با لە بەرانبەر تیرۆری سەردەشت عوسمان دەنگی ناڕەزایەتی هەڵبڕین تا دەستگیركردنی تاوانباران

هەروەك زۆربەمان دەزانین لە چەند ڕۆژی ڕابردووا، ناڕەزایەتی خەڵكی لە ناوەوەو دەرەوەی كوردستان، بە شیوازی جۆراو جۆر شەپۆڵ دەدات، لە بەرانبەر دەسەڵاتی سیاسی كوردستان بە گشتی و پارتی دیموكراتی كوردستان بە تایبەتی، بەهۆی تیرۆر كردنی سەردەشت عوسمانی خوێندكاری زانكۆی سەلاحەدین و ڕۆژنامەنوس لە ڕۆژی 6 ی ئەم مانگەدا.
بۆیە ئێمەش وەك كۆمیونتی كوردی لە ئوسترالیا بۆ بەرگری لە ئازادی سیاسی و ڕادەربڕین و سەركۆنەكردنی ئەو تاوانە سیاسی یە پێویستە دەنگی ناڕەزایەتی خۆمان بگەیەنین بە ڕای گشتی كوردستان وئوسترالیا و جهان .وە فشار بێنین بۆ سەر دەسەڵاتداران لە كوردستان بۆ ئەوەی بكوژانی سەردەشت عوسمان بدۆزنەوەو دەسگیر و ئاشكرا بكرێن و بە سزا بگەیەنرێن تا تیرۆری ڕۆژنامەنوسان و هەَلسوراوانی سیاسی و هیچ مرۆڤیك دوبارە نەبێتەوە.
بۆئەم مەبەستە داوا لە هەموو كۆمیونتی كورد لە شاری سدنی دەكەین كە بەشدار بن لە كۆبونەوەی ناڕەزایەتی بە پێی كات و شوێنی خوارەوە:
ڕۆژی هەینی 21-5-2010- كاتژمیرَ 6 ئێوارە لە بەردەم
CITY TOWN HALL-CORNER OF GEORGE AND BATHURST ST
بۆ زانیاری زیاتر تكایە پەیوەندی بەم ژمارە تەلەفۆنانەوە بكەن:
0423328191-0431242401


دەستەی سەرپەرشتی نارەزایەتی لە دژی تیرۆری سەردەشت عوسمان لە سدنی -ئوسترالیا

16-5-2010