به پێی راپرسیيه‌ك له سه‌دا 75ی به‌رپرسانی پاراستن سه‌ر به ڕژێمی به‌عس بوون
06/03/2012, 12:00 (GMT+1)
سه‌نته‌رێكی تايبه‌ت به راپرسی سه‌ربه ده‌زگای پاراستن، له دوايین ڕاپرسیيدا، كه تايبه‌ت بووه به بوونی ژمارەيه‌ك له پياوانی رژێمی به‌عس و ده‌زگا جۆراو جۆره‌كان له‌ناو ده‌زگاكانی سه‌ر به ئاژانسی پاراستن، ئه‌و سه‌نته‌ره سه‌ر به هۆبه‌ی تايبه‌ت به چاوديريكردنی ئه‌ندامان و كاديرانی پارتی له نێو گشت ده‌زگاكاندا، به‌پێی وته‌ی به‌رپرسێكی پاراستن سه‌ر به لقی 2 ی پارتی، ئاشکرای کرد، کە:
لە %75 ئه‌و كه‌سانه‌ی به‌رپرسيارێتيان له گشت ئه‌و ده‌زگايانه‌دا هه‌يه و سه‌ر به پاراستنن، كۆنه به‌عسیی، جاش، موخابه‌رات، ئيستيخبارات، موسته‌شار و ئه‌فسه‌ری هه‌واڵگری ده‌زگا ئه‌منيه‌كانی ڕژێمی به‌عس بوون.
له%50 ی به‌رپرسانی يه‌كه‌می ئه‌و ده‌زگايانه باوك و كه‌سوكاره‌كانيان سه‌ر به رژێمی به‌عس بوون و تاوانێکیان ئەنجامداوە وەکو پیاو و پێشمەرگەکوژیی و ئەنفالچیی.
لە %89 ی به‌رپرسانی پاراستن به خودی مه‌سرور بارزانیيه‌وه خاوه‌نی ده‌يان كۆمپانيای جۆراوجۆری بازرگانی بێ سنوورن.
له %85 ی به‌رپرسانی پاراستن به قبول خاس له زانكۆكان وه‌رگيراون.
له%75 ی ئه‌و له%85ی ئەو ژمارەیەی سەرەوە، بڕوانامه‌ی شه‌شه‌می ئاماده‌يان به ساخته بۆ كراوه.
شایانی باسە دوا ئاشكرابوونی ئه‌و ئاماره يه‌كسه‌ر له‌لايه‌ن ده‌زگای پاراستنه‌وه ته‌واوی فۆرم و پيداويستيه‌كانی ئه‌و راپرسيه كۆكراوه‌ته‌وه و براوه‌ته شوێنيكی نهێنی تا ئه‌نجامه‌كه‌ی ئاشكرا نه‌بيت.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان