سێ دادوەری عەقڵ بەعسی دادگای تیاهەڵچونەوەی سلێمانی بناسن

پاش ئەوەی رۆژنامەنوس و نووسەری كوردستانپۆست ناسح عبدالرحیم 2 ساڵ پێش ئێستا وتارێكی لەسەر لقی 12 پارتی لە هەڵەبجە لە كوردستانپۆست بڵاوكردەوە، دواتر لقی 12 پارتی لە دادگای هەڵەبجە سكاڵایان لەسەری تۆماركرد، پاش چەندین دانیشتنی دادگا لەسەر دۆسێەكە، "دادوەر سۆران ئیبراهیم عارف" رۆژنامەنوس ناسیح عبدوالرحیمی بەبێ گۆناه دركرد و ئیفراجیكرد، بەڵام دواتر دادگای تیاهەڵچونەوەی سلێمانی كە بریتی بون لەم سێ دادپیسکه‌ر و كۆیله‌ی حیزبیە عەقڵ بەعسیانە، "سەروەر زرار رەشید، عبدوالرزاق ئەحمەد عەبدوڵا، حەمزە ئیسماعیل خزر" بڕیاریان هەڵوەشاندەوە، بە بیانوی ئەوەی
1- یاسای رۆژنامەنوسی كوردستانپۆست ناگرێتەوە.
2- ئەندامی سەندیكای رۆژنامەنووسە كۆیلەكانی پارتی و لقی 66كەی نییە، فەرمانیان بە دادوەره‌كە كردوە كە بە یاسای سەردەمی بەعس مادەی 433 دادگای بكەن كە پێشتر ناوبراو بە یاسای كاری رۆژنامە گەری بێگوناه دەرچوبوو، بۆیە رۆژی 25/1/2011 دادوەر سۆران ئیبراهیم عارف بە یاسای بەعس حوكمی ناسیح عبدالرحیم دەركرد، لە حوكمەكەدا هاتووە 30 هەزار دینار غەرامە و یەك ساڵ زیندانی راگیراو بە مەرجێك بۆ ماوەى 3 ساڵ لەسەر هیچ حوكمیك نەدرێت خۆ ئەگەر حكوم بدرێت ئەوە ئەو حوكمە راگیراوەی بەسەردا جێبەجێ دەكرێت.

داوا لە كوردستانپۆست دەكەم ئەو چوار دادوەرە بخەنە ناو لیستی رەشەوە، بۆ ئەوەی كاتێك ئەم دەسەڵاتە بۆگەنەی جەلال عابدین و مەسعو عابدین روخا، وەكو عەواد بەندەری سەرۆكی دادگای بەعس دادگای بكرێن و سوك و رسوا بكرێن، داوا لە نوسەرانی كوردستانپۆستیش دەكەم ئەو چوار دادورە بخەنە ژێر رەحمەتی نوسینەكانیانەوە، بۆ ئەوەی ببنە پەند بۆ دادوەر كۆیلە هاوشێوەكانیان، كاتی ئەوەش هاتوە دادوەرەكانی حیزب وەكوسەرۆكەكانیان سوك و رسوا بكرێن.