له‌گه‌ل به‌رده‌وام بوونى بانگه‌شه‌كانى هه‌ڵبژاردن ئاسایشی پارتى فشاره‌كانى بۆ سه‌ر كادیرانى یه‌كگرتوو له‌ زاخۆ زیاد كردووه

سه‌رچاوه‌یك له‌ شارى زاخۆوه‌ به‌ سایتى یه‌كگرتووى ڕاگه‌یاند كه‌ هێزه‌كانى ئاسایشی پارتى به‌رده‌وامه‌ له‌ بانگهێشت كردنى ئه‌ندامانى یه‌گرتوو له‌ مه‌ڵبه‌ندى سێ ى زاخۆ بۆ باره‌گاى ئاسایشی پارتى به‌ مه‌به‌ستى لێكۆڵینه‌وه‌ لێ كردنیان و وه‌رگرتنى زانیارى وورد له‌سه‌ریان و هه‌ندێك جاریش فشار ده‌خه‌نه‌ سه‌ریان بۆ به‌ جێ هێشتنى ڕیزه‌كانى یه‌كگرتووى ئیسلامى .

ئه‌مانه‌ى خواره‌وه‌ هه‌ندێك له‌و كادیرانه‌ى یه‌كگرتوون كه‌ بۆ تۆمه‌تى جیاجیا بانگهێشت كراون له‌م هه‌فته‌یه‌دا :

1-یوسف سه‌لیم عه‌بدوڵا كه‌ مامۆستاى قوتابخانه‌یه‌ و بانگهێشتى ئاسایش كراوه‌ به‌ تۆمه‌تى وتنه‌وه‌ى قورئانى پیرۆز له‌ ماڵه‌كه‌یدا و ڕه‌وانه‌ى دادگا كراوه‌ و دواتر ڕاسته‌وخۆ دادگا ئازادى كردووه‌ .

2-سه‌عدى عه‌لى مامك كه‌ ته‌مه‌ن په‌نجا ساڵه‌ و به‌تۆمه‌تى ئه‌وه‌ى كچه‌كه‌ى وانه‌ى قورئانى پیرۆزى وتوه‌ته‌وه‌ بۆ ماوه‌ى شه‌وێك به‌ند كراوه‌ .

3-ئیدریس ڕه‌مه‌زان بانگهێشتى ئاسایش كراوه‌ به‌و تۆمه‌ته‌ى ڕه‌خنه‌ى له‌ حكومه‌تى هه‌رێم گرتووه‌ .

4-نه‌سره‌دین ڕه‌مه‌زان به‌ تۆمه‌تى نه‌زانراو بانگهێشتى هه‌مان شوێن كراوه‌ له‌م هه‌فته‌یدا .

5- ئه‌حمه‌د محمد قه‌ساب بانگهێشت كراوه‌ به‌ تۆمه‌تى ئه‌وه‌ى كۆبونه‌وه‌ى به‌خه‌ڵك كردووه‌ له‌ دوكانه‌كه‌یدا .