یه‌کێک له‌ ده‌زگا تیرۆریستییکه‌ی سه‌ر به‌ حیزبێکی ده‌سه‌ڵاتدار ده‌یه‌وێت که‌سێکی کوردستانپۆست تیرۆر بکات

سه‌رچاوه‌یه‌کی نزیک له‌ ناو ده‌زگای یه‌کێک له‌و دوو حیزبه‌ ده‌سه‌ڵاتداره‌ی سه‌ر به‌ بنه‌ماڵه‌ی بارزانیی و تاڵه‌بانی، که‌ نه‌یویست ڕاسته‌وخۆ بڵێت ده‌زگای زانیاریی، یان پاراستنه‌، ئه‌مڕۆ پێی ڕاگه‌یاندین، که‌وا به‌ مه‌به‌‌ستیی تیرۆرکردنی که‌سایه‌تییه‌کی ناو ستاڤی کوردستانپۆست ئیستا هاتۆته‌ سوید و له‌ داڕێژانی پلانێکدان، بۆ ئه‌وه‌ی به‌ زووترین کات کاره‌که‌ ئه‌نجاامبده‌ن، بۆ ئه‌و مه‌به‌سته‌ش ئه‌وه‌ که‌سه‌، یان ئه‌و که‌سانه‌ی به‌م کاره‌ هه‌ڵده‌ستن، به‌ پاره‌یه‌کی زۆر ده‌میان چه‌ورکراوه‌.
پاش ئه‌و زانیارییه‌، یه‌کسه‌ر کوردستانپۆست، پۆلیس و لایه‌نێکی دیکه‌ی سه‌ر به‌ پۆلیسی ئاگادارکرده‌وه‌، له‌ ماوی چه‌ند ڕۆژی داهاتوودا، وا چاوه‌روانده‌کرێت، هه‌روه‌ک پێیان ڕاگه‌یاندین، ئه‌وانه‌ی که‌ ژوور سه‌ری ئه‌م پلانه‌وه‌ن، ده‌ستنیشان ده‌کرێن، له‌ کاتی هه‌ر جموجۆڵییه‌کدا، پۆلیس به‌ کاری پێویستی خۆی هه‌ڵده‌ستێت.