له له‌نده‌ن سێ گه‌نجی کورد مانیان له‌نان خواردن گرتووه بۆ پشتگیری دژی ئه‌و تاوانه‌ی پارتی کردی
18/02/2011, 12:00 (GMT+1)
به‌رده‌م نوسینگه‌ی حوکمه‌تی هه‌رێم له شه‌قامی (ئیجوارڕۆت) سێ گه‌نجی کورد مانیان له‌نان خواردن گرتووه بۆ پشتگیری له خه‌ڵکی کوردستان و شاری سلێمانی، به‌رامبه‌ر ئه‌و تاوانه‌ی، که دژی گه‌نجانی سلێمانی کراو به ڕه‌شه‌کوژی و ترسنۆکانه ته‌قه‌یان به‌ناویانا کردن بووه شه‌هید بوون و زاماربوونی زیاتر له 50 لاوی ئه‌و شاره. کاکه لاس که یه‌کێکه له‌مانگرتووه‌کان به کوردستانپۆستی ووت ئێمه مانگرتن ناشکێنین تا هه‌ردوو بنه‌ماڵه‌ی تاڵه‌بانی و بارزانی به‌رۆکی گه‌له‌که‌مان به‌ر نه‌ده‌ن و کوردستان چۆڵ نه‌که‌ن با ئێمه‌ش بمرین وه‌ک کاکه ڕۆژوان و شه‌هیده‌کانی تر، که که‌س نازانێ ناویان چییه، ده‌بێ هه‌ردوو بنه‌ماڵه‌ی بارزانی و تاڵه‌بانی بزانن، که گه‌لی ئێمه بێ خاوه‌ن نییه، ده‌بێ ده‌نگی ناڕه‌زایی بگه‌یه‌نینه هه‌موو دنیا و بزانن چ زاڵم و دیکتاتۆرێک حاکمه له ووڵاته‌که‌مان، مانگرتۆکان ووتیان ئه‌م به‌یانییه پۆلیس ده‌ری کردووین و ڕاوی ناوین، به‌ڵام ئه‌م جاره بابێن بمانکوژن ناڕۆین و ده‌ست له مانگرتنیش هه‌ڵناگرین، داوا له هه‌موو کوردانی تاراوگه له شاری له‌نده‌ن و ده‌ورو به‌ر ده‌که‌ن که بچن به‌هانایانه‌وه و که‌ناڵه‌کانی مێدیای ئه‌و ووڵاته ئاگاداربکه‌ن و ده‌یانه‌وێت خه‌ڵکانی تریش بێن له‌گه‌ڵیاندا بۆ مانگرتی ئه‌مه‌ش ناوی مانگرتووکانه.
کاکه لاس، هێمن مه‌حمود، بیلال سه‌نگه‌سه‌ری. خه‌ڵکانی تریش له‌گه‌ڵیان ماونه‌ته‌وه و هیوادارن کوردانی تریش بچن بۆلایان و جۆش و خرۆش بده‌ن به‌و چالاکیه مه‌ده‌نیانه و، حکومه‌ت و هه‌ردوو بنه‌ماڵه رشواکه‌ن، په‌یامنێری کوردستانپۆست وه‌ک خه‌مخۆر و ئه‌رکی مێژووی کارکردن له هه‌موو ڕووداوێکی تر ئاگادارتان ده‌که‌ینه‌وه و زانیاریی زیاترتان ده‌ده‌ینێ.
هیوادارین له‌شێوه‌ی ئه‌م جالاکیه له هه‌ر جێگه‌یه‌کی ئه‌م دنیایه‌دا ڕه‌وه‌ندی کوردی لێ یه ئه‌نجام بدرێت.
کوردستانپۆست له‌نده‌ن
به‌رده‌م نووسینگه‌ی حکومه‌ته‌که‌ی به‌رهه‌م ساڵح
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان