ئەندامی مەكتەبی سیاسی یه‌کگرتووی ئیسلامی: نەوشیروان مستەفا بە سەرۆكی هەرێمی كوردستانی گوتووە "تۆ كەسێكی ئەمینی، دەستێكی ئەمینی و پیاوێكی �

کوردستانپۆست له‌ رۆژی 17/ 1 / 2013دا، بۆ یه‌که‌مجار هه‌واڵێکی له‌ نیو کۆبوونه‌وه‌که‌ی به‌ناو ئۆپۆزیسیۆن و پارتیی بڵاوکرده‌وه‌، ئه‌وه‌مان ئاشکراکرد که‌ (له‌ کۆبوونه‌وه‌که‌دا نه‌وشیروان مسته‌فا به‌ مه‌سعود بارزانی وتووه‌: تۆ که‌سێک و ده‌ستێکی ئه‌مینی)، ئه‌م هه‌واڵه‌ له‌لایه‌ن کۆمه‌ڵیک که‌سانی گۆڕانخواز به‌درۆخرایه‌وه‌، که‌ گوایه‌ نه‌وشیروان مسته‌فا نه‌ قسه‌ی وای کردووه‌ و نه‌ قسه‌ی واش ده‌کات، ته‌نانه‌ت هه‌ندێک که‌سی دیکه‌ش وایان راگه‌یاند، که‌ ئه‌گه‌ر نه‌وشیروان مسته‌فا ئه‌وه‌ی وتبێت، ئه‌وه‌ مه‌رگی بزوتنه‌وه‌که‌ی راگه‌یاندووه‌، ئاماده‌ن هه‌ڵوێستی له‌سه‌ر وه‌ربگرن و له‌ بزوتنه‌وه‌ی گۆڕان دووربکه‌نه‌وه‌.

ئه‌مڕۆ 11/ 2/ 2013 تۆفیق كەریم، ئەندامی مەكتەبی سیاسی كۆمەڵی ئیسلامی كوردستان، له‌ لێدوانێکدا بۆ سایتی رووداو ئه‌و هه‌واڵه‌ی کوردستانپۆستی ده‌مڕاستکرده‌وه‌، که‌ لە سەر مەسەلەی دەستوور قسه‌ ده‌کات، گوایه‌ گۆڕان روونكردنەوە دەداتە كۆمەڵ و یەكگرتوو.
رووداو ده‌نووسێت، که‌ ئەندامێکی مەكتەبی سیاسی یەكگرتوو ئەوەشی روونكردەوە کە لەو كۆبوونەوەیەدا نەوشیروان مستەفا بە سەرۆكی هەرێمی كوردستانی گوتووە "تۆ كەسێكی ئەمینی، دەستێكی ئەمینی و پیاوێكی دڵسۆزی".

ئه‌مه‌ قسه‌یه‌ی نێو کۆبوونه‌وه‌ چوار قۆڵییه‌که‌ ده‌قا و ده‌ق ئه‌و  هه‌واڵه‌که‌ی کوردستانپۆست
ده‌مڕاست ده‌کاته‌وه‌، که‌ باش چه‌ند کاتژمێرێک به‌ کوردستانپۆست راگه‌یه‌ندرا و بڵاومان کرده‌وه‌. کوردستانپۆست جارێکی دیکه‌ سه‌لماندی که‌ سه‌رچاوه‌ی هه‌واڵه‌ راسته‌کانه‌ و هه‌میشه‌ هه‌واڵی راست و دروستی شاراوه‌، که‌ به‌رپرسان و ده‌سه‌ڵاتداران نایانه‌وێت بچێته‌ ده‌رێ، ئێمه‌ له‌ کاتی خۆیدا به‌ گه‌رم و گوڕی بڵاویان ده‌که‌ینه‌وه‌.

بۆ خوێندنه‌وه‌ی قسه‌ و لێدوانه‌کانی تۆفیق كەریم، ئەندامی مەكتەبی سیاسی كۆمەڵی ئیسلامی كوردستان کلیکی ئه‌م لینکه‌ی خواره‌وه‌ بکه‌:
http://rudaw.net/kurdish/index.php/raport/20776.html

بۆ خوێنده‌وه‌ی هه‌واڵه‌که‌ی پێشووتری کوردستانپۆست کلیکی ئه‌و لینکه‌ی خواره‌وه‌ بکه‌:
http://www.kurdistanpost.com/view.asp?id=12695c2c