خۆرئاوابوونی پارتی لای ئەمەریکییەکان دەستی پێکرد

بەپێی ئەو زانیاریانەی لە بەرپرسێکی باڵای پارتی دەست کوردستانپۆست کەوتووە کە هاوکات چاودێرێکی سیاسیشە، ئەمەریکیەکان گەیشتونەتە ئەو باوەرەی، که‌ بەهۆی ئەو گۆرانکاریە گەورانەی ڕۆژهەلاتی ناوەراستی گرتۆتەوە لەڕوخانی دەسەڵاتە دیکتاتۆریەکان و کاریگەریەکانی ئەو شٶڕش و راپەرینانە گەیشتۆتە کوردستان و بێزاری خەڵک لە ئاست کار و رەفتارەکانی دەسەڵاتی کوردی بەگشتی و بنەماڵەی بارزانی بەتایبەتی گەیشتۆتە لوتکە، مەحاڵە بوەستێ، بۆیە قۆناغی زێرینی پارتی لای ئەمەریکیەکان بەرەو کۆتایی دەروات .

سەرچاوەکە یەکێک لە هۆکارە سەرەکیەکانی گەراندەوە بۆ ئەو رەفتارەی بەردەم لقی چواری سلێمانی، ئەو پارتە، که‌ به‌و شێوه‌یه‌ ره‌فتار و تەقەی له‌ خه‌ڵک کرد، هه‌روه‌ها کاردانەوەی چەند ڕۆژەی جەماوەری شاری سلێمانی و دەوروبەری، له‌گه‌ڵ رەوەندی کورد لە ئەوڕوپا لەچەند ڕۆژی رابردودا، بە روونی لای هەموو ناوەندە جیهانییەکان دەرکەوت کە دەسەڵاتی پارتی و بنەماڵەی بارزانی ناتوانن درێژە بەدەسەڵات بدەن و زەمەنی سیاسییان کۆتایی هاتووە، بۆیە ئەمەریکاش بریاری سیاسیی خۆی بەرامبەر ئەو پارت و بنەماڵه‌یه‌ گۆڕیوە و چاودێری رووداوەکان لە کوردستان بەوردی دەکات، بەتایبەتی خۆپیشاندانەکەی بەیانی خەڵکی هەولێر .


هەمان سەرچاوە، ئەوەی راگەیاندن، هەمووشمان دەزانین ئەمەریکا بەرژەوەندییەکانی لەسەرووی هەموو جۆرە پەیوەندییەکان لێک دەداتەوە، بۆیە قۆناغی پەراوێزخستنی بنەماڵەی بارزانی لای ئەمەریکیەکان دەستی پێکردوە. نمونەی خۆپیشاندانی ولاتی سوێد و ستۆکهۆلمیشی بە نمونە هێنایەوە لەکاتێکدا خۆپیشاندانی سوێد، ته‌نها بریتیی بوو، له‌ 300 کەس و لە ولاتی سوێد ئەنجام درا، نه‌ک له‌ کوردستان، بەڵام کەناڵی ئاسمانی CNN ی ئەمەریکی وەک هەواڵ لەدەنگوباس و ماڵپەرەکەیاندا بەگرنگیەوە بڵاوی کردۆتەوە، به‌ بێ ئەوەی کەناڵەکە لە سوید و لەناو خۆپیشاندەران ئامادەبێت، ئەمەش په‌یامێکه‌ بۆ بنەماڵەی بارزانی، ئەگەر هەست پێبکەن، چونکە ئەو کەناڵە ئەمەریکیە لەسەر هەر دەسەڵاتیک بیکاتە بابەت و هەواڵی ئاوا، واتا مالئاوابوونی سیاسیی دەست پێدەکات

ئه‌و سه‌رچاوه‌یه‌لە دریژەی وتەکانیشی وتی: ئەو رەفتارەی ئەمڕۆی پارتی به‌ داخستنی زانکۆی سلاح الدین و سەرجەم بازگەکانیش دەبێتە هۆکارێکی تر، کە ناوەندە سیاسیەکانی ئەورپا و ئەمەریکا چیدی نەتوانن لەگەڵ عەقلیەتی رەفتاری بنەماڵەی بارزانی مامەڵە بکەن، چونکە لەو زەمەنەدا ئەو رەفتارانە باوی نه‌ماوە تەنیا لەعەقڵیەتی دەسەڵاتی قەزافی دەوەشیتەوە.

لینکی هەواڵەکەی کەناڵی ئاسمانی CNN ئەمەریکی:

تێبینی ... ئەم ڤیدیۆ کلیپە بۆیەکەم جار لەلایەن کوردستان پۆستەوە بلاوکرایەوە

http://ireport.cnn.com/docs/DOC-559145