پێشکه‌شه‌ به‌ داد و یاسا سه‌روه‌ریه‌که‌ی کاکه‌ نێچیرڤان بارزانی !

ئه‌ز به‌نی وادیاره‌ باسی ‌سه‌روه‌ری دادگا و دادمان بۆ ده‌که‌یت ،داد له‌ وڵاتێک سه‌روه‌ر ده‌بێت ،که‌ سه‌رکرده‌کانی دادپه‌روه‌ر بێت !
ئه‌ز به‌نی:-
‌گوێ بگره‌ ئه‌ز با بۆته‌ بێژم چه‌ند دێرێ .

له‌ بێ دادیه‌ بۆیه‌ ته‌مه‌ن درێژن
بۆ گیانی ئه‌و ڕه‌ش و ڕوته‌ ده‌ست درێژن
ئه‌گه‌ر ته‌مه‌ن باقی بێ ڕوژگار درێژن
ڕۆژتان دێ وه‌ک گڵۆڵه‌ سه‌ره‌ و لێژن !

قوربان داد له‌ وڵاتێک سه‌روه‌ر ده‌بێت ،که‌ تژی نه‌بێت له‌ گه‌نده‌ڵی و سه‌ر و سمێڵ ڕه‌شان ،پڕ نه‌بێت له‌ فایلدار و جاشان !
ئه‌و کاته‌ی یاسا سه‌روه‌ره‌ و
ئه‌تۆش تاجه‌که‌ی سه‌ر سه‌ری
که‌ په‌رله‌مانی پیرۆز پڕ نه‌بێت
له‌ شێروان حه‌یده‌ری !!!
قوربان :-
گوێم بۆ بگره‌ با به‌کورتی پێناسه‌ی داد بۆ بکه‌م .

گه‌ر داد له‌ ده‌ستی ڕابه‌ری زاڵم بێ
دڵ خۆش مه‌به‌ یه‌ک زه‌ڕه‌ دادی تیا بێ
گه‌ر هه‌ش بێ بۆ ڕه‌ش و ڕوت په‌یدا نابێ
چونکه‌ داد بۆ دزه‌کان ئیجرا نابێ !!!


ئوسترالیا -سدنی