نوێنه‌رانی كورد له‌ به‌غدای عڕوبه‌ !

ماندونه‌بن
فه‌خامه‌ت و مه‌عالییه‌كان !
ئه‌ی نوێنه‌ری ڕاسته‌قینه‌ و
خۆنه‌ویست و خه‌مخۆرانی
تاك به‌تاكی نیشتمانمان !

به‌ڕاستی سه‌ربه‌رزین پێتان
بۆ ئه‌و هه‌موو به‌زم و هه‌را و
ئه‌و دڵسۆزییه‌ زۆره‌ی نواندتان !

به‌ڕاستی سه‌رسامین پێتان
بۆ ئه‌و هه‌موو پێداگرییه‌ و
ئه‌و ڕه‌نجه‌ فه‌رهادییه‌ی داتان !

به‌ڕاستی سه‌ربه‌رزین پێتان
بۆ ئه‌و هه‌موو ئازایه‌تییه‌ و
ئه‌و هه‌موو مافه‌ی كه‌ستاندتان !

به‌ڕاستی سه‌رسامین پێتان ..
دڵنیابن
ئه‌گه‌ر سبه‌ی بوین به‌ده‌وڵه‌ت
هه‌رگیز هه‌رگیز بیرمان ناچن ،

له‌هه‌ڵه‌بجه‌ و له‌گه‌رمیان و
له‌خۆشناوه‌تی و شنگال و
له‌بارزانمان ،
له‌ وشكه‌ قوڕی وه‌ریوی
قژی سپی دایكی شه‌هید
په‌یكه‌ری شه‌رم چێده‌كه‌ین
بێ جیاوازی بۆ هه‌مووتان ..

ئومێد مام ڕه‌سوڵ
١١\٩\٢٠١٤