پشتگیری له‌ مامۆستا سه‌ربه‌خۆکان ده‌که‌ین !

ئێمه‌ وه‌ك سه‌ربه‌خۆخوازانی کورد له‌به‌ریتانیا ته‌واویی پشتگیری خۆمان بۆ‌ مامۆستا سه‌ربه‌خۆکان له‌ کوردستان ڕاده‌گه‌یه‌نین و ئومێد ده‌که‌ین که‌ هیچ که‌س و لایه‌ن و حزبێك ئاسته‌نگ له‌به‌رده‌م سه‌ربه‌خۆ بونیان دانه‌نێت گرفتیان بۆ دروست بکه‌ن ، ئه‌وانیش مافی شه‌رعی ته‌واوی خۆیانه‌ که‌ به‌لیستی جیاواز له‌سه‌ربه‌خۆ بونی خۆیاندا دور له‌ ئینتمای حزبی بون به‌شداری له‌ کێبڕکێکاندا بکه‌ن .
مامۆستا چرایه‌کی پرشنگداره‌ و له‌ڕیزه‌کانی پێشه‌وه‌ی قۆناغه‌کانی ڕه‌وتی به‌ره‌وپێشه‌وه‌چونی کۆمه‌ڵگه‌یه‌، موڵکی کۆمه‌ڵگه‌یه‌کی گشتگیری ، سه‌رمایه‌ی له‌بن نه‌هاتوی نه‌ته‌وه‌یه ، نه‌ك ده‌سته‌و تاقم و حزبی کلاسیکی به‌سه‌رچوو .
ئێمه‌ وه‌ك سه‌ربه‌خۆخوازان به‌هه‌موو توانایه‌کمانه‌وه‌ به‌ گژ هه‌ر پلانگێڕی و فشارێك ده‌چینه‌وه‌ که‌ مه‌به‌ستی شێواندنی پیرۆزیه‌کانی مامۆستا بێت و بیانه‌‌وێت له‌ چوارچێوه‌یه‌کی ته‌سك و تروسکی حزبایه‌تی و لایه‌نی کۆنباوی سنوردارو له‌که‌داریان بکه‌ن له تارمایی ‌به‌رژه‌وه‌ندیه‌کانی خۆیاندا بیانخزێنن .
مامۆستا به‌هه‌مو بیرو بۆچون و ئینتما جیا جیاکانیشه‌وه‌ لای ئێمه‌ لوتکه‌و سه‌رده‌سته‌و پیرۆزی ڕه‌های تایبه‌تی خۆیان هه‌یه‌ ، لێ له‌وانیش لوتکه‌ ترو‌ ڕه‌هاترو پیرۆز تر ، جوانتر له‌سه‌ربه‌خۆبوندا ده‌یان بینینه‌وه‌ ... هه‌ر له‌ ڕوانگه‌یه‌وه‌ داوامان له‌سه‌رجه‌م مامۆستایانی کوردستان ئه‌وه‌یه‌ هه‌رچی زوه‌ بانگێشه‌ی سه‌ربه‌خۆبونی خۆیان بکه‌ن له‌ ئاله‌تی فرت و فێڵی پیاوانی قه‌زه‌م سیاسی خۆیان ڕزگار بکه‌ن و هه‌ر چراگه‌شه‌که‌ی کۆمه‌ڵگه‌ گشتگیریه‌که‌ی خۆیان بن .

به‌ره‌و سه‌رکه‌وتن و ڕه‌هاترو پیرۆزو پیرۆزتری مامۆستایانی سه‌ربه‌خۆ له‌کوردستان .