ئەزموونی سیاسیی لە هەرێمی کوردستان دەریخستووە کە بەشێک لە هێز و ڕێکخراوە سیاسییەکان، کە سەرەتا بە دروشمی ئازادی و سەربەخۆیی هاتنە مەیدانی کاری سیاسیی و پڕۆپاگەندەی نەتەوایەتیی و رزگاری کوردستان،، لە ڕاستیدا ئەمە ئامرازێک بوو بۆ بەکارهێنانی خەڵک و بەدیهێنانی بەرژەوەندیی تایبەتی خۆیان. مەترسیدارتر لەم دۆخە سیاسییە، گواستنەوەی هەمان مۆدێلی "شوێنکەوتنی کوێرانە"یە بۆ ناو کایەی ڕۆشنبیری و ئەدەبی.

ئەمڕۆ دەبینین بەشێک لە نووسەر و "ڕۆشنبیران" بوونەتە تەواوکەری گوتاری دەسەڵات. میدیاکانی حیزب هەوڵ دەدەن وێنەی ئەم نووسەرانە گەورە بکەن و وەک سیمبولێکی گەورە و پڕ لە زانیاریی و زانست نیشانیان بدەن، خوێنەرانیش بێ ئەوەی بە وردی لە ناوەڕۆک و پەیامەکانیان بکۆڵنەوە، نووسینەکانیان وەک دەقی پیرۆز و فەلسەفی وەردەگرن. ئەم پەیوەندییە نادروستەی نێوان دەسەڵات و نووسەر، وایکردووە ڕەخنەی جددی کاڵ ببێتەوە و نەمێنێت، وەک نموونە، دەتوانین ئاماژە بە بەرهەمەکانی (بەختیار عەلی) بکەین. ئەم نووسەرە زۆرجار بە ناونیشانی نامۆ و زمانێکی پڕ لە ئاڵۆزی و دەستەواژەی قورس، خوێنەر سەرسام دەکات (وەک بەکارهێنانی وشەی "باغ" لە جیاتی "باخ" لە ڕۆمانی "غەزەلنووس و باغەکانی خەیاڵ"دا، کە جۆرێکە لە دەستکاریی زەق). بەڵام کاتێک توێکڵی دەرەوەی وشەکان لادەدەین، دەبینین هەندێک لە بۆچوونەکانی جێگای مشتومڕ و هەڵوێستە لەسەرکردنن.

لێرەدا دەمانەوێت تیشک بخەینە سەر پارچە دەقێکی نێو کتێبی (بە سەرسامی لەناو وێرانەدا)، کە تێیدا نووسەر بە دیدگایەکی نەرێنی و کوێرانەوە  بەرامبەر بە سیستەمی پەروەردە و فێربوون دەدوێت، هامان کاتدا قسە و بۆچوونەکانیشی لەگەڵ یەکتردا ناجۆر و ناکۆکن . با سەرنج لەم دێڕانە بدەین:

بەختیار عەلی دەڵێت: