ئاگادارییەک لە (بەرەی خەڵک)ەوە!
28/02/2017, 22:48 (GMT+1)
هاوڵاتیانی خۆشەویست بەگشتی و(بەشدارانی ڕاپەڕین لە پێشمەرگە و زیندانی سیاسی و گەنجان و ژنان و مامۆستایان و فەرمانبەران و کاسبکاران) بە تایبەتی. . .
ئەم ساڵ، دوور لە دەستی حزبەکان و دەسەڵاتی خیانەتکار لە ئامانج و دەستکەوتەکانی ڕاپەڕین، خۆمان کە خاوەنی ڕاستەقینەی ڕاپەڕینین، ئەو یادە دەکەینەوە و سەروەری هەڕاجکراوی ئەو وەرچەرخانە مەزنە لە دەستی تاڵانچییەکانی حزب و بنەماڵەکان دەسەنینەوە!
بۆیە، گەر ئەم کوردستانە بە نیشتمانی خۆت دەزانی، گەر پڕبووی لە نائومێدی بەهۆی (دزی و کوشتار و ستەمی حزبەکان و دەسەڵات و بنەماڵەکانەوە) وەرە و لە بەرەی خەڵکدا، شکۆی ڕاپەڕین بگێڕەوە بۆ خۆت، وڵات هی تۆیە و ناکرێ ئاوا بێڕێزی بە خۆت و خاک و خەڵک و خوا بکرێ لە لایەن دەسەڵاتی عاشق بە خوێن و دۆلارەوە!
وەرنە بەرەی خەڵک، یەکدەست و یەکئامانج، پاکێتی خۆمان دەسەلمێنین و بێبەری بوونی دەسەڵات و حزبەکان لە نیشتمان ڕادەگەێنین!
٧ی ئازار... زەماوەندی خەڵکە، نەک حزب و بنەماڵەکان و دەسەڵاتە تاریک و ئابڕووچووەکەیان!
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەت:
گشتی
بابەتی دیکە
بابەتە پڕبینراوەکان
