کورتیلە چیرۆک
13/07/2012, 12:00 (GMT+1)
له‌ده‌نگه ده‌نگ و هاواری ژنانی گه‌ره‌ک خه‌به‌رم بۆوه، گه‌رچی زۆریش گوێم به قسه‌و باس و هاواری ژنانی گه‌ره‌ک نه‌ده‌دا، ویستم به هه‌ر جۆرێک بێت ئه‌و پارچه په‌رۆیه له‌سه‌ر چاوم لانه‌ده‌م که به درێژایی چوار ساڵی ته‌مه‌نم بۆ کاتی خه‌و له‌سه‌ر چاوم داده‌نا، به‌لام ده‌نگه ده‌نگو هاواره‌که تا ده‌هات زیاتر ده‌بوو، منیش هه‌روه‌کو پیشه‌ی هه‌میشه‌یی خۆم که به‌رده‌وام به‌دوای رووداوه‌کاندا ده‌رۆیشتم، بۆ ئه‌وه‌ش خۆم نه‌گرت، به هێواشی له جێگاکه‌م هه‌ستام، چوومه ده‌ره‌وه .... خه‌لکێکی زۆر له‌و ناوه وه‌ستابوون، چه‌ند هه‌نگاوێکی تر چوومه پێشه‌وه که بینیم یه‌کێک له کچانی گه‌ره‌ک که چه‌ند رۆژێک به‌ر له ئێستا به ده‌مانچه‌که‌ی باوکی هه‌وڵی خۆکوشتنی دابوو، به بلێسه ئاگره‌وه به ده‌وری خۆیدا ده‌سورایه‌وه، هه‌ر ئه‌و کاته ئه‌وه‌م بۆ ده‌رکه‌وت که مرۆڤ درنده‌ترین گیانداره به‌رامبه‌ر به‌خۆی !!
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
