پرسە
17/09/2011, 12:00 (GMT+1)
ئەم شیعرە لە ڕووی ئیدیاوە جوانە بەڵام لەڕووی داڕشتنەوە زۆر بە دڵم نیە ئیتر لەوە زیاتر نەمتوانی دەستكاری بكەم پەلەی بڵاوكردنەوەییم بوو ، گوزارشت لەو ستەمە دەكات كە لەم ناوچەیەدا حوكمڕانە .................
"بڕوخێ"
ئاپۆڕاكە وایان دەوت .
"بابڕوخێ"
پیر و گەنج ، ژن و پیاو وایان دەوت .
"بڕوخێ"
"بهەڕۆژێ"
شار و لادێ وایان دەوت .
"بلوخێ"
"بروكێ"
تا منداڵە سێ ساڵەكە و
تا تووتیە ڕەنگ خۆڵەمێشیەكەش وایان دەوت .
لەوكاتەدا جەلادێك ئاپۆڕای دایە بەر دەستڕێژ !
چەند گەنجێكی لە جێدا خست
چەند ڕیشی سپی تێكەڵ بە خوێن بوون
چەند عەبایەك بەجێمان و كەوتنە ژێرپێ !
منداڵەكە لەزار كەوت و نوزەی بڕا
پەڕی توتیش ڕەنگی سور بوو ، هێدی هێدی
كەوتە دەم با.
شار خامۆش بوو ماتەم دایگرت
هەموو شتێ ڕەنگی پرسەی لێنیشتبوو
لەو دەمەدا .
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
