هۆقر محەمەد بەرى خۆر بە بێژنگ دەگرێت

بەشی دووەم
لە رێویان پرسی كێ گەواهیدەرتە؟ گوتى كلكم. ئەم زەلامە هەمان دەردى مام رێوى لێقەوماوەو دەیەوێ خوێنەر چەواشە بكات كەگوایە كەسێكى پاكەتییەو بوختانى پێدەكرێ. من ویستم لە بەشی دووەمى بابەتەكەمدا ئاماژە بە ژیانى شەخسی ناوبراوو قۆناغەكانى خوێندنى وشوێنى كاركردنى و چۆنیەتى وەرگرتنى لە زانكۆو ....بدەم، بەڵام ئەو باسەم راگرتو لێرەدا بە كورتى دەمەوێ وەڵامى ئەو روونكردنەوەیەى بدەمەوە كە لە سەر بەشی یەكەمى بابەتەكەم دابوى.
سەرەتا دەمەوێ ئەوە بڵێم من نزیكەى یەك مانگ بە دواداچونم بۆ ئەم بابەتە كردووەو دووجار چوومەتە كۆلێژی ئاداب و لە رووی هاورێتی وپرسیاكردنەوە لە قوتابیەكان ومامۆستایان ئەم زانیاریانەم دەست كەوتووە. هەڵبەت خۆشم لە ساڵی 2005 كۆلێژی زمان بەشی عەرەبیم هەر لەوێ تەواو كردووە.
لە سەرتاى روونكردنەوەكەدا باس لە ویژدان و بوختان ودرۆ دەكات، گوایە ویژدان نەماوەو ئەوەى هەیە درۆیە، دیارە ناوبراو راست دەكات، كوانێ ویژدان لە لاى بەرپرسانى ئەم وڵاتە؟ كوانێ بەڵینە راستگۆیەكانیان؟ تەنانەت خودی بابەتەكەى خۆی لە ئەلفەوە تاوەكو یا هەمووی درۆو چەواشەكارییەو تەنانەت بوختان بە هاوڕێیەكانى خۆشی دەكات و پاكانە بۆ سەرۆكى زانكۆو.... دەكات.
لە كەسی نەفز نزم وناكەس بەچە وایە هەموو كەسێك وەك خۆیەتى، بۆیە هەر كە درۆو ساختەكارییەكانیان لێ ئاشكرا دەبێت دەست دەكەن بە جنیۆدان وتۆمەتبار كردنى ئەم وئەوو هێرشكردنى ناڕەوا.
لە خاڵی یەكەمدا سەرتا دەڵێت (بە پێی نوسین وناوەرۆك وناوى تەواوى من پێدەچێت لەگەڵ خۆم قوتابی بێت) قوربان من نە هاورێتم ونە قوتابی بەڵام جاری دووەم كە هاتكە كولیە، ئەو كاتە بوو كە ناوى تۆو چەند تەلەبەیەكى تر لە غیاباتدا ئینزارى كۆتاییتان بۆ هاتبۆوە لە سەرجەم وانەكان، تۆم بینى لە كولیە پیاسەت دەكرد بۆ پیاسەكردن هاتبوى نەك دەوام كردن ودەرس خوێندن ئەمەش باسێكى ترەو كاتى خۆی باسی دەكەین. دواتر دەڵێت (قوتابییەكان شاهیدن لە دەوام كردن وبەشداریم لە تاقیكردنەوەكان) ئەمە درۆیەكى شاخدارەو لە خۆرا قوتابیەكان مەكەرە شاهید، تەنانەت ناوى یەك قوتابیم پێ بڵێ كەواى گوتبێت؟ ئەگەر درۆ ناكەیت و خۆت بە پیاو دەزانیت تەنانەت یەك دانە بەڵگە بۆ خوێنەران وكوردستان پۆست بخەرە روو؟ جەنابت سێ ساڵە دەوام ناكەیت و تاقیكردنەوەى مانگانەت ئەنجام نەداوە، تەنانەت وەكو لە بەشی یەكەمدا گوتم هەندێ لە قوتابیان دەیانگوت لە تاقیكردنەوەى سەرى ساڵانیش نایبینین. كوانێ مۆڵەتى یاساییت بۆ دەوام نەكرن وئەنجام نەدانى تاقیكرنەوە؟ ئەگەر بەڵگەت هەیە بۆ خوێنەران وكوردستان پۆستى بخەرە روو، تاوەكو من داواى لێبوردن لە خوێنەرن بكەم لە پێدانى زانیارى هەڵە. بەڵام دڵنیام هیچ بەڵگەت نییەو تەنیا دەتەوێ بەو رونكردنەوەیە خۆت دەرباز بكەیت و راستییەكان بشاریتەوە.
لە خاڵ دووەمدا دەڵێیت (حزب چی پێوەندى بەم بابەتەوە هەیە،) قسەیەكى ئەحمەقانەو گەمژانەیە، من لە تۆ دەپرسم سەرۆكى زانكۆو وەزیرى خزێندنى باڵاو راگری ئێستای كۆلێژى ئەدەبیات و مودیری فەرمانگەكەى خۆت لە كام مریخەوە هاتوون؟ ئەى ئەمانە هەمووان سەر بە حزبەكەى جەنابت نین؟ ئەى ئەو دكتۆر سەلام خۆشناوەى راگری پێشوى كۆلێژى ئەدەبیات كە پێی گوتى برۆ لە ماڵەوە لێی پاڵكەوەو دوای چوار ساڵی تر شەهادەكەت بۆ دێنمە ماڵێ، سەر بەحزب نەبوو؟ لە هەمان كاتیشدا سەر بە حزبەكەى جەنابت نەبوو؟
منیش دەزانم دەركردنى پاساپۆرت مافێكى ئاسایی هەر هاوڵاتیەكە، بەڵام گۆڕینەوەى پاساپۆرت بە دەرەجەو دەرچواندن ئەمە كارێكى نابەجێ وگەندەڵیە. ئەگەر رۆژنامەنوسان وحەق بێژانى ئەم وڵاتەو چەند سایتێكى وەكو كوردستان پۆست نەبێت، ئێوەو چەتەكان لە ماوەى شەوو رۆژێكدا خێروبێرى ئەم وڵاتە دەدزن و بەشی دەكەن.
لێرەدا داوا لە قوتابیان وخوێندنكاران و مامۆستایان و ئەو كەسانەش دەكەم كە هەر زانیارییكیان لە سەر نابراو هەیە بەم ئیمێڵەى خوارەوە بۆم رەوانە بكەن، بە دڵنیاییەوە ئێمێڵكەتان دەپارێزرێت. بە تایبەتى دەرەجەكانى مانگانەى ئەمساڵی و ناوى مامۆستاكانى و......

تێبینى: نووسینە سورەكان قسەى هۆگرە، كە وەڵامێكى بە ناوى هۆقرمحەمەدەوە نوسیبوو.


[email protected]