وەزارەتی پێشمەرگە یان وەزارەتی چه‌کداره‌کانی هه‌ردوو بنه‌ماڵه‌؟!

سەرچاوەیەکی بەرپرس لەوەزارەتی پێشمەرگەی حکومەتی هەرێمی کوردستان کە نەی ویست ناوی ئاشکرا بکرێت ئەوەی ئاشکرا کرد لە ئێستادا لەو لیوا تازانەی تەشکیلکراوە دوور لەدەستی حیزبە و سەر بەوەزارە پێشمەرگەی حکومەتی هەرـی کوردستانە پارتی و یەکێتی دەستیان کردووە بە کۆکردنەوەی ئابونەوەی حیزبی لەلایەن یەکێتیەوە لەهەر پێشمەرگەیەک 3 هەزار دینار و پارتیش وای نیازە بە گوێرەی پارەکەی لەهەر سەد هەزارێك هەزار دینار ئابونەوە وەربگرێت ، سەرچاوەکە ئەوەیشی ئاشکرا کرد لە ئێستادا بە ئەمری عقید ڕوکن ئیبراهیم فەرماندەی لیوای 3 ی پیادەی گەرمیان دەست کراوە بە کۆکردنەوەی ئابونەوەی پێشمەرگەکانی سەر بەیەکێتی نیشتیمانی کوردستان ، ناو براو وتیشی لەهەمان لیوا لەلایەن فەرماندەی لیواوە ئەمر بە فەرماندەی فەوجی دوو و چوار کراوەیە ئابونەوە کۆ بکەنەوە کەهەردوو فەرماندە لەلایەن یەکێتیەوە دانراوە و ئەبێت ئابونەوە بۆ یەکێتی کۆبکەنەوە، ، باسی لەوەیش کرد ئەوکەسەی راسپێردراوە بۆ کۆکردنەوەی ئابونەوەی یەکێتی بەناوی ملازم ئەوەل شەماڵ ، ناوبراو لەفەوجی چوار دەوام دەکات ،
سەرچاوەکە ئەوەیشی ئاشکرا کرد لەهەمان لیوای سێی پیادەی گەرمیان سەربەوەزارەتی پێشمەرگە بەبێ دەوام کردن 50 حیمایەی بەرپرسی مەڵبەندی 9 ی یەکێتی نیشتیمانی کوردستان یارمەتی مانگانەکەیان لەو لیوایە وەردەگرن بەبێ ئەوەی چرکەیەک دەوام بکەن ، ئەمە لەکاتێکدایە ئەم چوار لیوایە سەربەوەزارەتی پێشمەرگەی حکومەتی هەرێمی کوردستانن و هەموو پارە و خەرجی و یارمەتییەکانیان لەلایەن حکومەوە بۆسەرف دەکرێت ،

گەر مسعود  و بەرهەم ساڵح بەژدارنین لەو گەندەڵییە با بەدواداچونی بۆ بکەن ، دوو کەس بنێرن لەلیواکان لە پێشمەرگەکان بپرسن ئەوان خۆیان دێنە گۆ کە ئەمە وەزارەتی پێشمەرگەیە یان وەزارەتی پارتی و یەکێتی ..