لەوەتی هەین
07/09/2011, 12:00 (GMT+1)
لەوەتی هەین
دیلی دەستی ئەم و ئەوین بەڵام یاخین
لەوەتی هەین
كەفتەكاری ڕێگەی ڕەوین
بەڵام هێشتا ماندوو نەبووین
لەوەتی هەین لێمان دەدەن
دەمانكوژن دەمانبڕن
لەناوناچین زیادیش ئەبین
لەوەتی هەین بە دەرگادا ،
یا بە پەتا،
یا بە پاشووی سەیارەدا هەڵدەواسرێین
خۆڕاگرین وورتە ناكەین
لەوەتی هەین ، قاپ و قووتوو
تا نێزەشمان تێدەبڕن و
ئاخێك ناكەین!
لەوەتی هەین
زەوی پڕە لە خوێناوی دڵی ئێمە
زەریاش پڕە لە فرمێٍكی چاوی ئێمە
دەربەس نین و ناشی سڕین
كەچی سەیرە لەوەتی هەین
قولانجێكیش پێش نەكەوتووین
دەزانن بۆ ؟
كە چمكێكی دۆلارێكمان پیشان بدەن
لە ئەو پەڕی بەرزیشدابین
ڕووی تێدەكەین
لە ئاستیدا گەورە و بچووك
چۆكدادەدەین.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
