<

بۆ مه‌رگی ئیحسان فه‌تاحیان

14/11/2009, 12:00 (GMT+1)
به‌ندی عه‌لی
بنوو یارۆ ، بنوو

شه‌و دره‌نگه‌و

گه‌ڵای زه‌ردی سه‌رئاو که‌وتووی

کانیی چاوت

به‌ره‌و که‌ناری خه‌و ده‌چێ

بنوو یارۆ ، بنوو

خۆ سوبحی ئه‌و

ده‌یجوورستانه ، بێ گومان

هه‌ر له‌هه‌ناوی شه‌و ده‌چێ

بنوو یارۆ

ئه‌و ئه‌شکه‌وته‌

نیشتیمانی خێڵه‌ شه‌مشه‌مه‌کوێره‌یه‌و

گزنگه‌کانی به‌رائه‌ت

به‌نێویدا گوزه‌ر ناکه‌ن

بنوو ئه‌ی نه‌سلی په‌پووله‌

له‌جه‌خارستانه‌که‌ی خوادا

گوڵ ناڕوێ و

جاڵجاڵۆکه‌کانی به‌هه‌شت

هه‌ست به‌جوانیی قه‌مه‌ر ناکه‌ن

بنوو یارۆ ، بنوو

خورافستانه‌که‌ی ئه‌وان

له‌په‌راوێزی مێژووا

هه‌ر زبڵدانه‌ ، زبڵدان
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست

بابەتی دیکە

بابەتە پڕبینراوەکان