ئایا پوك میدیا درۆزنە؟

بابەم پرسیارە دەست پێبكەین؟ ئایا پوك میدیا درۆزنە؟ باوەڕناكەم هیچ كەس تا ئێستا لە هەموو دوونیادا بەم ماڵپەڕەی یەكێتیی نیشتمانیی كوردستانی وتبێت درۆزن! بۆچی؟
بە وەڵامێكی سادەو ساكار: چونكە درۆزن نیە.
ئەی باشە كە قەڵەمێك لە كوردستان پۆستدا و لەبەرواری 25/3 بە ناونیشانێكی زەق بنووسێت (ماڵپەڕە درۆزنەكەی پوك میدیاو درۆیەكی گەورەتر) دەبێت ئەوە نیشانەی چی بێت؟
بەداخەوە ئە ونووسراوە ناوی كەسی لەسەر نیە، كەواتە كەسێك ئەو بابەتەی نووسیوە كە تەنها بۆ لێدان و ناوزڕاندن نووسیویەتی.
نامانەوێت بچینە ناو وردەكاری بابەتەكەوە، كە ئاهەنگێك لە نەورۆزدا لە پاریس سازكرابێت و خەڵك بە زۆر بۆ ئەو ئاهەنگە براوە!؟ خۆتان دەتوانن لەم لینكەدا سەیری هەواڵ و وێنەكان بكەن و ئەوسا دەزانن ئایا پوك میدیا درۆزنە یان ئەو نووسەرەی كە بەناوی خۆیەوە نەیتوانی پەنجە بخاتە چاومانەوە چونكە پیاوی درۆزن هەمیشە شەرمن و سەركزە:
http://www.pukmedia.com/kurdish/Hwal/23-03-2009/news30.html

بەراستی سەیرە و زۆریش سەیرە، هەرچیەك بنووسرێت و هەرچیەك بوترێت، بەبێ سێو دوو بڵاوبكرێتەوە، هەرچی ئەگەرو خەون و خەیاڵات هەبێت بكرێتە نووسین و بەمەبەستی بەرژەوەندی تاكە كەس، ئیتر بێ گوێدانە راستی و دروستی هەواڵ و بابەت یەكەو راست رێگای خۆی بگرێتەبەر و بدرێت بە گوێی خوێنەرو بینەروی داماودا..س بكرێتە دزو م بكرێتە درۆزن و ع بكرێتە جاشو ل بكرێتە خائن و... هتد.
ئایا ئەمە كاری راگەیاندنە؟ یان كاری تێكدان و وێرانكردنە؟
لە كۆتاییدا جارێكی تر بەو نووسەرە و بە بەڕێوەبەرانی كوردستان پۆست دەڵێم: تو ویژدانتان، تو ئەو شتە پیرۆزانەی باوەڕتان پێی هەیە تەنها با ویژدانتان دادوەربێت، بۆ مێژووی دوور و نزیكمان وەك كورد ئەم قۆناغە با زوو بپێچینەوە لەوە زیاتر كارەكە مەگەنێنن.