که‌رکوک
05/12/2012, 12:00 (GMT+1)
گه‌ر په‌نجه‌کانم گشت ببرنه‌وه
په‌یڤ و هۆنراوه‌م له‌بیربه‌رنه‌‌وه
بمهارن وه‌ک دان له‌تویی ده‌ستاڕا
له رووی گه‌ردونا بمسڕنه‌وه....
گه‌ر له خاچم به‌ن بمکه‌ن به دارا
سه‌رله‌نوێش گیانم وه‌به‌ربیننه‌وه
له‌گه‌ڵ هاتنه‌وه‌ی هۆشم به گیانا
ئه‌ی ڕه‌قیبه‌که‌ی کورد ده‌ڵێمه‌وه،،،،
گه‌رنه‌ک ته‌عریب و ته‌‌رحیلمان بکه‌ن
هه‌زاران فرسه‌خ دوورمان خه‌نه‌وه
بمان نێرنه ئه‌وپه‌ری دونیا
جه‌سته‌مان به‌ند و ڕۆحمان یه‌خسیر که‌ن
له‌ناو قوڕقوشما بمانتوێننه‌وه
نه‌ک سوپای دیجله ، فوراتیش رێکخه‌ن
سورین و که‌رکوک ده‌گێڕینه‌وه...
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
