وانه‌یه‌كیتر بۆ مێژوو
07/08/2014, 12:00 (GMT+1)
به‌م قرچه و گه‌رمایه‌ی ئابه
چی گه‌واد و چی دوده‌گی و
چی قۆڵبڕ و حه‌رام زاده و
چی سه‌گبابه
وه‌ك مێگه‌لێك له‌گورگی هار
لادێ به‌لادێ و شار به‌شار
به‌ناوی خوا و به‌ناوی دین
به‌شمشێری به‌جێماوی
ئه‌وێ ڕۆژێكه‌ی ئه‌نفال و
زینده به‌چاڵی جوانیی ژین
هاتوونه شنگال زامدار كه‌ن
هاتوونه شنگال وێران كه‌ن
ئه‌وان بێ ئاگانه حۆلن
بیریان نایه له‌ڕابردو
ئێسق و پروسكی هه‌زارانیان
له‌شنگالدا تێكشكێندراو
ئێستاكه هه‌موویان خۆڵن
٥\٨\٢٠١٤
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
