كۆمەڵەى قەلاچۆكردنى مادەهۆشبەرەكان یەكەمین كۆنفرانس ئەبەستێت

كۆمەڵەى قەلاچۆكردنى مادەهۆشبەرەكان

لەژێر دروشمى "كۆمەڵگایەكى خاوێن لە مادەهۆشبەرەكان"

كۆمەڵەى قەلاچۆكردنى مادەهۆشبەرەكان یەكەمین كۆنفرانس ئەبەستێت

لەڕێگەى ئەم ڕاگەیاندنەوە، بەهەموانى ڕادەگەیەنین كە لە ڕۆژى هەینى بەروارى 22-1-2010 كۆمەڵەى قەلاچۆكردنى مادەهۆشبەرەكان كۆنفرانسى یەكەمى خۆى لەشارى سلێمانى دەبەستێت.

وەستانەوە بەڕووى مادەى هۆشبەر و دانانى بەربەست لەبەردەم گەشەكردن و فراوانبوونەوەى بازرگانیپێكردن و بەكارهێنەرانى، یەكێكە لە ەولەویاتەكانى زۆربەى زۆرى دەوڵەتانى دنیا، ساڵانە سەربارى بەهەدەردانى مەلایین دۆلار لەپێناو گەشەپێدانیدا لەلایەن بازرگاكانان و مافیاكانى دەوڵەتى و گروپەكانەوە، هاوكات بەمەلایین دۆلاریش لەلایەن ڕێكخراوى نەتەوەیەكگرتوەكان و دەوڵەتانى جیهانەوە خەرج دەكرێت بۆ بەرگرتن بەرهەم هێنانى نایاسایى و بەرگرتن بە بازرگانیپێكردن و بەكارنەهێنانیەوە.

كێشەو گرفتى مادەهۆشبەركان، نەك هەر یەكێكە لەكێشەو گرفتە چارەسەر نەكراوەكانى سەردەم، بەڵكو تادێت تەشەنە ئەكات و، بەدواى خۆیدا دەریایەك كێشەو قەیرانى سیاسى و كۆمەڵایەتى و ئابورى و كەلتورى بەدواى خوێیدا هێناوە، قوربانیانى ئەم بەڵایەى سەردەم زۆربەى كات زیاترن لەقوربانیانى بەرەكانى جەنگ.

كوردستان و عێراقیش سەربارى ئەوەى كە دەركەوتنى بازرگانیپێكردن و بەكارهێنەرانى مێژژویەكۆنى نیەو بەگشتى كۆمەڵگا لەدژى دیاردەكەیە، بەڵام ئەم دیاردەیە تادێت زیاتر دەرئەكەوێت و فراوانتر ئەبێتەوە لەچاو دەورەى پێشووترى خۆى، هەربۆیە پێدانى هوشیارى بە تاكەكانى كۆمەلأ، بەپێى ستانداردێك كە لەوڵاتانى پێشكەوتوو و تاڕادەیەكى باش پارێزراو لەم بەڵایە بەكارئەبرێت، ئەتوانێ نەخشى ببینێت لە پاراستنى تاكەكان و دورخستنەوەیان لەو مادانە. هەریەكەو بەپێى تەمەنى خۆى ئەبێت بەشێوازێكى كاریگەر بتوانرێت پاراستن بەشێوازێكى دەرونى و لەڕێگەى پزیشك و پسپۆرى تایبەتى بوارەكەوە، بەرگرى لەبەرامبەر ئەو مادانە تیایدا دروستبكرێت و، سەرەنجام تادەكرێت كۆمەڵگا لەكاریگەریە سلبیەكانى لەهەموو ڕوەكانەوە كەمبكرێتەوە.

هەربۆیە كۆمەڵەكەمان بانگەوازى سەرجەم ئەو كەسانەى كە لەمبارەیەوە بەهەر ئەندازەیەك شارەزایى و تواناییان هەیە هاوكاریمان بكەن، چ بەشێوەى ئامادەبوون لە ڕۆژى كۆنفرانس، چ بەشێوەى ناردنى پێشنیارو تێبینیەكانیان، تابیتوانین بە بەرنامەیەكەوە دەست بەكار بین كە لە ڕۆژانى یەكەمیەوە كاریگەریەكانى لەئاستێكى فراواندا دەربكەون، هەروەها داواكارین لەهەر كەسێك كە ئامادەیە كەلەم بوارەدا كاربكات و ئارەزومەندە كە هەڵسوڕاوى بوارى جەنگ لەگەلأ مادەهۆسبەرەكان بێت، لەڕۆژى كۆنفرانس شانبەشانى ئێمە ئامادەبێت و لەدابەشكردنى كارەكاندا، هەریەكەمان گۆشەیەك لە بەرسیارێتى لەئەستۆ بگرین و سەرەنجام كۆمەڵگا لە ئاسەوارەكانى ئەم بەڵایە بپارێزین.

دەستەى دامەزرێنەرى كۆمەڵەى قەلاچۆكردنى مادەهۆشبەرەكان

5-1-2010

سەبارەت بە زانیارى لەسەر چۆنێتى بەڕێوەچوونى بەرنامەى كارەكانى كۆنفرانس، ئەم ئەدرەس ئیمەیلأ و ژمارە مۆبایلانە بەكار بێنن:

[email protected]

[email protected]

[email protected]

+964(770)1521852

+964(750)1521852

+964(770)1324181
--