كاك نه‌شێروانى مرۆڤ يان .....

ئه‌وه‌ى رِوونبووه‌وه‌ كاك نه‌وشێروان سه‌ركه‌وتوو نه‌بوو له‌ سياسه‌ت كردندا چ جا له‌ رِۆلَگێرانى بۆ دروستكردنى قيه‌م و ئه‌خلاقى سياسى نيشتمانپه‌روه‌رانه‌ى دوور له‌به‌رژه‌وه‌ندى تاكه‌كه‌سى وحزبايه‌تى ته‌سك.
وه‌سه‌لماندى كه‌وا ئاستى به‌رپرسياره‌تى كاك نه‌وشێروان له‌ ئاستى به‌رپرسياره‌تى كاك مه‌سعود كه‌متره‌ كه‌وا من وه‌كو خۆم له‌رِابردوودا برِوام وابوو به‌پێچه‌وانه‌يه‌.
به‌لَگه‌شم بۆ ئه‌مه‌ مه‌وقفى كاك نه‌وشێروانه‌ به‌رامبه‌ر د.نه‌جمه‌دين كه‌وا چۆن له‌سه‌ر شاشه‌ى ته‌له‌فزيۆن به‌شێوه‌يه‌كى ناته‌ندروست و دوور له‌رِاستى باسى ئه‌م پياوه‌ى كرد. له‌كاتێكدا له‌ماوه‌ى زياتر له‌ هه‌شت سالَ پارتى و يه‌كێتى (به‌سه‌ركرده‌كانى گۆرِانيشه‌وه‌) نه‌يانتوانى %1 ى ئه‌م زاته‌ بۆ كه‌ركوك ئه‌نجام بده‌ن.
له‌لايه‌كه‌ى تره‌وه‌ كاك مه‌سعود هه‌رچه‌نده‌ وه‌كو حزب د.نه‌جمه‌دين زه‌ره‌رێكى زۆرى لێدابوو به‌لاَم به‌هيچ جۆرێك نه‌مانديت له‌سه‌ر شاشه‌كان يان له‌مينبه‌ره‌ فه‌رمييه‌كانى يه‌ك ووشه‌ى خراپيش به‌ د.نه‌جمه‌دين بلَێت.
ئه‌م مه‌وقفه‌ى كاك نه‌وشێروان زۆر نارِه‌حه‌تى كردم و واى لێكردم هه‌ست به‌دوارِۆژێكى ترسناك بكه‌م بۆ كێشه‌ نه‌ته‌وايه‌تييه‌كه‌مان , چونكه‌ ئێمه‌ به‌و هيوايه‌ بووين كاك نه‌وشێروان سياسيه‌كى به‌رپرسيارو رِاستگۆ بێت ، نه‌وه‌ك حزبايه‌تى بخاته‌ پێش به‌رپسياره‌تى و نيشتمانپه‌روه‌رييه‌تى. ئێمه‌ پێويستيمان به‌ (قازى محه‌مه‌د و گيڤاراو غاندي) يه‌كانه‌ نه‌وه‌ك ........... پێويستيمان به‌ به‌هه‌واى پاكه‌ نه‌وه‌ك گازى ژه‌هراوى پێويستيمان به‌ دكتۆره‌ نه‌وه‌ك قه‌ساب , پێويستيمان به‌ داهێنه‌رى ئه‌خلاقى سياسى جوانه‌ نه‌وه‌ك رِوخێنه‌رى به‌ها مرۆڤايه‌تييه‌كان، پێويستيمان به‌مرۆڤى دلَپاكه‌ نه‌وه‌ك مرۆڤى حاقد، پێويستيمان به‌ مرۆڤى لێبورده‌يه‌ به‌تايبه‌تى له‌گه‌لَ براده‌رو دۆست و هاونيشتمانى نه‌وه‌ك ...... پێويستيمان به‌مرۆڤه‌ نه‌وه‌ك هه‌لَسورِاو .

1/5/2014 هه‌ولێر