نەورۆز
20/03/2014, 12:00 (GMT+1)
ئەی ڕۆژە پیرۆزەکەم
جەژنی ناسنامەی گەل و نەتەوەکەم
کڵپەو بڵسەی ئاگرەکەت
گەیشتە ئاسمان
مژدەی ساڵی نوێی
جاڕدا بۆ جیهان
ئەڵی ئەوا کورد ئەمجارەیان
بێ خوێن ڕژان
ئەم ڕۆژەیان یادکردوە
کەچەندەها ساڵ
لاو و پیر بۆی بوون بەقوربان
بۆیە مژدەم بۆ ئێوە هانی
میللەتێک هێندە فیدای وەتەنبێ
ئەگات بەئامنجی بەئاسانی
دەبا هەموو دەست لەناو دەست
بۆ یەک هیواو مەبەست
ئەم پەیامە وەکو چاومان
بپارێزین
نەوە لەدوای نەوە
بێ دابڕان
ئەم ڕۆژە پیرۆزە
یادکەینەوە
هەر چوار پارچەی کوردستان
بەیەکەوە ...گرێدەینەوە
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
