كۆچ
27/08/2013, 12:00 (GMT+1)
دیسان ئەمجارەش ،وا كۆچی كوردە
سیمای نیشتمان ، پایزی زەردە
گەلی چەوساوەی خاك دابەشكراو
هەردەم دەر بەدەر ، یان مافی خوراو
سەیركەن ، ئێستا كوردی بێ ووڵات
ئاوارە و بێ ماڵ ، لە نێو خەرابات
ئاخ لە غوربەتی و زێد بە جێهێشتن
ژینی ژێر دەوار فرمێسك ڕشتن
مەل بێ هێلانە چۆن نابێ تەریو
كوردیش بەم چەشنە لەم دیو بۆ ئەو دیو
چەند زەمەنی دی ،پڕ خوێن و ئاگر
برسی و پێ پەتی ، هێشتا خۆڕاگر
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
