تان و پۆی چیرۆکی عه‌شقم
14/01/2013, 12:00 (GMT+1)
سه‌رنجم دا له جیهانی خه‌یاڵی پڕ ئه‌ندێشه‌وه
بڵێسه‌ی سوتانی بیرم ئاسمانی تۆ ده‌گرێته‌وه
نوکی پێنوسم بێ وچان دێڕه‌کان پڕ ده‌کاته‌وه
دێڕی په‌ڕاویش ئاساری سپیه‌تی خۆی ده‌شواته‌وه
بێ ئاگا هه‌رچی ده‌نوسم ، له ئاکاما ناوی تۆیه
ڕه‌نگڕێژی ئه‌وان تان و پۆی چیرۆکی عه‌شقێکی نوێیه
هه‌رچی تابلۆی شیعریم هه‌یه له ئه‌لفه‌وه هه‌تاکو (ێ)
شێوه و ڕوخساری هه‌مویان له قه‌ڵه‌می ڕوی تۆ ده‌چێ
چی بنوسم چی به‌یان که‌م ، هه‌رچی پیتی وشه‌کانه
ڕه‌نگ و نیگاری سیمای تۆ ده‌که‌ن به به‌ری خۆیانا
به‌کرحه‌بیب
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
