<

دوای مه‌رگ

07/01/2015, 12:00 (GMT+1)
دڵـی ڕۆژهـه‌ڵات
پێشکه‌ش به‌ڕووحی دایکم

وه‌ك سنۆبه‌ره‌که‌ی شار،
یان وه‌ك په‌ڵه‌هه‌وره‌که‌ی
ئاسمانی تۆ،
تۆ پێم بڵێ: کامیانیت کام؟
تۆ گوڵه‌ ئه‌رخه‌وانییه‌که‌ی،
یان پرسه‌که‌ی، شاری؟
تۆ له‌کام، نیگای شار و
له‌کام گه‌ڕه‌ك و کۆڵان و
شه‌قامدا،

بوو به‌هه‌ڵــم و وه‌ك به‌فر توایته‌وه‌
ناو ئینجانه‌که‌ی مه‌رجانه‌ و
بوویته‌وه‌ به‌سه‌ڕابترین
مه‌خلوقی شار و
کۆڵانه‌کانت پڕکرد،
له‌ته‌پ و تۆزی
دوای مردن.

له‌جیاتی خۆت،
ورده‌ پیاسه‌ و تریفه‌ی مانگت
کرده‌ سه‌ڕاب و
منت له‌لێڵیدا کرده‌
غوبار.


سلێمانی
دڵــی ڕۆژهــه‌ڵات
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست

بابەتی دیکە

بابەتە پڕبینراوەکان