شاری............. وانم

منم
دڵێکی بی هێزی
هه‌نده‌رانم
ناوم کورده
له‌ خاکی خۆم
سه‌رگه‌ردانم

‌
منم
وڵاتم
به‌ش به‌شه‌
هه‌رده‌م
ئازاره‌ وه‌یژدانم
له‌ ناخه‌وه‌
ئێشک گری
خه‌مه‌کانی
شاری وانم

منم ڕه‌گی دڵم
به‌نده‌
له‌ گه‌ل چوار پارچه‌که‌ی
دڵه‌
منم
هه‌ناسه‌ی
وان .....و
موهاباد.... و
قامیشلیی ...و
سلێمانی
تێکه‌ڵ هه‌ناسه‌م کردووه
‌
سه‌دان ساڵه‌
له‌ گه‌ڵ گیرفانه‌
ڕاهاتووین
سمیل زل و
وورگ زل و
ویژدان به‌تاڵ
له‌ به‌رده‌م خه‌مه‌کانته‌
هیجمان پێ ناکرێت

دوو سه‌رده‌مه‌
شاری وانم
کۆشه‌ گیری
په‌تای مه‌رگه‌
داستانی مه‌رگی
بیریتان
داستانی چاو مه‌ستانی
چیای قه‌ندیل
شاکاری رێبازتانه‌
خوێنی دڵه‌
ناسنامه‌ی خاک

لاشه‌ کانتان
به‌ چه‌کی کوشه‌نده‌ی
ژه‌هراوی
پارجه‌ پارجه‌
ده‌کرێت
سه‌ربازه‌کانی هێزی
ڕه‌گه‌ز په‌رست
سوکایه‌تی
به‌
کیژه‌کانتانه‌وه
ده‌که‌ن‌
دوای کۆشتنیان
به‌ قاچ ڕایان ده‌کێشن
ڕووتیان ده‌که‌نه‌وه‌
که‌چی ئه‌ردوگانی
شاخ دار
ئه‌ڵێت موسڵمانم
‌
واده‌مێکه‌
خوێنتان ده‌ڕژێت
ماڵه‌کانتان
له‌تێکه‌ڵه‌ی
قوڕو به‌رده‌
به‌بی بومه‌له‌رزه‌
هه‌ره‌س دێنێ
رۆڵه‌کانتان
به‌بی نازو
به‌بی ناسنامه‌ی
وڵات
ده‌ژێ و ده‌ه‌مرێ

دوو سه‌رده‌مه‌
له‌ گه‌ل ده‌سته‌ڵاتی
هێزی به‌رده‌
هه‌رده‌م
شوێنه‌واری
خۆێنتان
له‌ شاخی کوردستانه‌
ماڵه‌کانتان
کۆله‌پشتی
ڕێی سنووره
دل بۆ خه‌متان
په‌رێشانه‌‌