<

تێکەڵاو... غەریبی ...شەهید

10/04/2017, 15:02 (GMT+1)
بەڵێن رەواندوزیی
تێکەڵاو
قوڕ بەسەر ئەوەی پێت ئەڵێ
دەست بەکڵاوەکەت بگرە  با  نەیبات
پێ ی بڵێ  قوربان ، ئیتر وادەی با  نەماوە
لە وڵات زریانە هەموو شتێك ئەبات

غەریبی 
وام لێ هاتووە لە غوربەتیش
هەست بە غەریبی خۆم نەکەم
چەندە دوور بم  لە نیشتمان 
خە م و خەفەت بەبا ئەدەم
نیشتمانێك کە سەرۆكو  بنەماڵەی 
دزو جەردەو پاسەوان بن 
نازانم بۆ چیمە ، چی لێ بکەم

شەهید
لە شۆڕش و خەباتدا ، شەهید شەهیدی لەسەر شان بوو
بۆ یەك ئاوات تێکۆشانیان بە یەکسانی و  بێ ووچان بوو
هەرکە خەبات ئاواتی برد بەرەو قاپیەی دایکی شەهید
لە ڕێگادا تووشی دز هات ، دزو جەردەی لە بان شان بوو

یادەوەری
نازانم چۆن  ژیان  بدوێنم   
تاڵ و شیرنی بخوێنمەوه
ئەوەی ماڵ ئاوای کردووەو  ئەکا 
ئیتر هەرگیز نایبینمەوه
یان  هەر نەبێ 
کات ژمێری تەمەن ڕاگرم 
تا ئەو کاتەی  
ژیان  بەگشتی  ئەنووسمەوه 
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەت: گشتی

بابەتی دیکە

بابەتە پڕبینراوەکان