<

مووچە

18/08/2020, 20:14 (GMT+1)
بەڵێن رەواندوزیی
ووتیان مووچە هات بە نیوە چڵی
ووتم زووخاوی کردووە بە دڵم

ووتیان ئارامبە تا نۆرەی تۆ دێ
ووتم تۆ بڵێ ی بچێتە باخەڵم

ووتیان ئەو مووچە هینی بەهارە
ووتم هاوینە نابێ بە هەڵم

ووتیان دڵنیا بە کە مافت ناخورێ
ووتم ماچ ئەکەم دەست و پێ ی زوڵم

ووتیان وڵاتمان وا لە قەیرانە
ووتم ئەزانم نوری چاو گوڵم

دەردی حوکمەتتان هەر لەمن کەوێ
فیدای وڵات بێ ماڵ و مناڵم

بۆ دزو جەردە شامی شەریفە
بۆ منیش دەبێ هەر تیای بناڵم
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەت: گشتی

بابەتی دیکە

بابەتە پڕبینراوەکان