مووچە
01/07/2021, 21:04 (GMT+1)
وتیان مووچە هات بەنیوە چڵی
ووتم زووخاوی کردووە بە دڵم
وتیان دڵنیابە هەر وەری ئەگری
وتم تۆ بڵێ ی بچێتە باخەڵم
وتیان ئەمەیان مووچەی بەهارە
وتم هاوینە وا بووە بە هەڵم
وتیان پاشەکەوت هیچی نافەوتێ
وتم کەوتۆتە گیرفانی زاڵم
وتیان ئەو مانگە خۆگونجاندنە
وتم بەزەهری ماریان بێ ماڵم
نیشتیمان بۆمن وەك دۆزەخێکە
ئۆقرەی بڕیوە لە ماڵ و مناڵم
بۆ دزو جەردە شامی شەریفە
تا ماوم دەبێ هەر تیای بناڵم
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەت:
گشتی
بابەتی دیکە
بابەتە پڕبینراوەکان
