ئەو ژیرییەی لە زەردەخەنەیەکدا دۆزراوەتەوە کە وەک جوڵەیەکی باشی جێبەجێ کراو قووڵ و هاوسەنگ بێت. سەرنجی هێزی بێدەنگی کەسێک بدە کە بە جوانی بەناو ژیاندا دەڕوات. چ بەهرەیەک لەوە گەورە تر هەیە کە جیهان بە دڵێکی کراوە و ڕۆحێکی شادەوە ببینیت؟ 

هیوادارم ئەم وێنەیە هانی هەموومان بدات بۆ گەڕان بەدوای ئارامی لە ئێستدا چونکە ئەمەش بەشێکە لەکۆمێدیا  کە ماهیر حەسەن لەسەر تەختەی شانۆی ژیان بۆی نمایش کردین .

ئێمە هەرگیز بە برین ڕانایەین ،  چونکە هەموو برینێک ئازاری خۆی هەیە .  ئێستا دەبێت من ڕووبەڕووی رابردووم ببمەوە ،چونکە هەموومان سزای تاوانەکانمان وەردەگرینەوە ،چ لەم جیهانە  بێڕەحمەدا بێت ،یاخود لەجیهانی داهاتوومان بێت.

 جارێک  لەماڵی ناسیاوێکم میوان بووم  وێنەیەکی گەورەی  سەرکردەیەک و چەند کەسێک کە  لەدەوروبەری سەرکردەکەبوون بەدیوارەکەوە هەڵواسیبوو ، زۆرم لام سەرسوڕهێنەربوو  چونکە ناسیاوەکەم  هەمیشە ڕەخنەی دەگرت و جوێنی دەدا بەدەسەڵاتداران  ، راستگۆبم مرۆڤێک بوو خاوەنی چیرۆکی ترسناکی ڕووداوەکانیش بوو . تۆزێک لەبەردەم وێنە هەڵواسراوەکەدا وەستام  ویستم پرسیارێک بکەم  ، بەڵام خانە خوێکەم پێشم کەووت و ووتی : دەپرسی ئەم وێنەیە چییە بەم دیوارە نەعلەتیەوە؟

 ووتم نا  بەمن چی ، خۆ بەبەرۆکی منەوە هەڵت نەواسیوە ؟ تۆ ئازادی  و ماڵی خۆتە  خوای دەکرد   وێنەی سەدام حسێنت  هەڵدەواسی بەژوورەکەتدا  . خانە خوێ ووتی : ئەم وێنەیە مێژووە .

 ئەی تۆ منت نەبینی ....!؟

جارێکی تر سەیری وێنەکەم کرد ڕیزی یەکەم دووهەم  خانەخوێم نەدی ، ووتم ببورە ناتبینم . زۆر ناشرین دەمی پانکردەوەو پێکەنی دانە داماوەکانی دەرکەوت و دەستی درێژ کردوو پەنجەی لەسەر دەموو چاوی دانا لەڕیزی دواوە بەپێوە وەستابوو ئارەق بە ناوچەوانیەوە  دیاربوو ، لام وایە لەشەرما بووە لەوێنەکەدا دەرکەوتبوو ئارەقەکەی .، یاخود ڕۆژێکی هاوینی پڕوکێنی هەرێمەلاقەکراوەکەبوو، 

 ووتی خەڵک  نازانن چیت کردووە و چیت بەسەر هاتووە ، ئەم وێنەیە وەک ناسنامەیە بۆ من  خەڵک زیاتر لەوەدەگەن و وێنەکە گەواهی دەری ئەوەیە  کەمنیش ڕۆژێک سیاسەتم  کردووە وچوومەتە چیا.

 خانە خوێکەم نەی دەزانی چۆن لەو چڵکاوە قوتاربێت . کەلەکۆتاییە چاوەڕوان نەکراو و گاڵتەجاڕێکانی ڕۆژگارەوە سەرچاوەی گرتبوو.

لەجەنگدا هەر ئەوکەسانە بەدبەخت نین کە تێیدا دەمرن ، لەوان بەدبەخت تر ئەوانەن  کەڕێز لەو مێژووە ناگرن و خۆیان هەراج دەکەن هەرزان . ماهیر شتێکی پێووتین کە ئێمە کەمتر  بۆی دەچیت  بڵێ شازادە بوبێتە دەرهێنەری فلیم و ئێمە نەمان زانیبێت ؟ بڵێ بەخزمایەتی بگاتەوە بە COPPOLA  یان SCORSESE  کاپولە یان سکوسەزی  و دەستی کردبێت بەدەرهێنای فلیم ، لەسەر ئەو بەدبەختیەی کەبەسەر گەلەکەماندا هاتووە لە سایەی ئەو دەسەڵاتەوە . ماهیریش دەرکی بەو پڕۆژە جەهەندەمیەی شازادە کردووە و بێ ئاوڕدانەوە ڕێگەی مان و نەمای گرتووە و  چۆتەلای دەرهێنەرە گەنجەکە  کە خەریکی فلیمێکە لەسەر بەدبەختێکانمان و ماهیریش  دەبێتە پاڵەوانی سەرسەختی ئەو فلیمەچاوەڕوان کراوە .  ئەحلام موستغانمی دەڵێت :"ئەگەر مرۆڤ ڕێکەوتی شتی جوان ،ئێجگار جوان بکات ، ئەوە ئارەزووی گریانی هەڵدەستێت " . ئێمەش ئەم دیمەنە لە شازادەو  ماهیر  نەک گریان بەڵکو شتی تریشی لێدەکەوێتەوە ، چەپڵەکوتان  بۆ ئەوەی هەموو ناتوانن بەو مەرتەبەیە بگەن . 

 بڵی ماهیر وێنەی خۆی و شازادە بەدیواری ماڵەکەیدا هەڵواسێت و وێنەی ئەحمەد جۆڵای هاوڕی  داگرێ و کە شەوهات لەتاریکیدا توڕی بدات ؟ 

 قەت ئارەزووی ئەوەم نەکردوە کە قسە لەسەر پوچێکانی  نیشتمان و کەسە دیارەکانی ناو کایە  هونەری و یان بەهرەکانی تر بکەم ، چونکە دەزانم و گومانم نییە تا چیلکەی تێوەدەی  بۆنی زیاتر بڵاو دەبێتەوە .  بەدیوەکەی تردا من هیچ جیاوازیەک نابینم لەمابەینی سەوزو زەردا و هەردوکیان ڕووی یەک دراوی قەڵبن .  بۆیە هونەر پیشەکان باگلەی نەکەن و نەکڕوزێنەوە  بۆ ئەوەی خەڵک کارەکانیان  بە بێ بەها دەزانن .  هونەری راستە قینەئەوەیە هونەرمەند قوربانی بدات وەک" یەلماس گونای "  چل ساڵە لەناوماندا نییە کەچی لەبیری ناکەین و هەمووڕۆژێک خۆی نوێ دەکاتەوە. 

ڕەفتاری ئەم هونەرمەندو شاعیرو نوسەرانە  تژیان کردووین لەگومان و دەپرسین بڵێ ئەحمەدی خانی و  مەلای جزیرو  قانع ونالی و حەمدی لەمانە بچن؟ 

 درێژەی نادەمێ بەڵام ماهیر حەسەن  هونەرەکەتو ڕۆڵەکانت خستە ژێر پرسیارەوە ، لوتبەرزی ئەمانە لەوەدایە  نایەن ڕوونی بکەنەوە کە بۆ بەتاکو کۆ دەکڕوزێنەوە بۆ سامان . لەکاتێکدا تەنها سەرەتە کە تۆ خاوەنی هەرچی بیت . خەڵکی سەیری ئەوەناکات شاپلین یان میستەر بین  بانقەکەی چی تێدایە بەڵکو هونەرەکەی  قسەمان بۆدەکات ، خوانەخواستە ناڵێم هونەرمەند ماهیرحەسەن  شاپلین و میستەر بینە .