براوە و دۆڕاوی هەڵبژاردەکانی ئەمریکا
براوەکان هەر یەك لە (چین، بەریتانیا،سعودیە،قەتەر،میسر،تورکیا،پاکستان و سووریا). دۆڕاوەکانیش بریتین لە(گەلی ئەمریکا بەگشتی،جولەکە و ئیسرائیل،هەروەها کورد و کەمینەکان لە ڕۆژهەڵاتی ناوین). وە ئێران نە براوەیە و نە دۆڕاو.
ئەمریکا دوای دوو ساڵی تر گەر بێت و سەرۆکایەتی لەلایەن کۆماریەکانەوە وە دەست نەهێنن ، ئەوا بێشك شتێك نامێنێ ناوی ئەمریکا بێت و وەك سۆڤیەتی جاران ، هەڵئەوەشێتەوە. ئەمریکا و ئەو بەرەیەی کە ئێستا کۆنترۆڵی هەردوو لقەکەی دەسەڵات ئەکا(هاوس و سێنەت) خۆیان لە ئیسلامی سیاسی سەلەفی و داعشی و کۆمنیستی گەنجان و دیموکراتەکان پێك هێناوە کە کار و ئەژندای هەریەکەیان بە تەواوی لەگەڵ یەکتردا جیاوازە ، بۆ نمونە بەرەی ئیسلامیەکان کە (٧) ئەندامایان پاڵێوران کارئەکەن بۆ ئەژندای ئیخوانی و سەلەفی و داعشی، بە مانایەکی تر ، ئەیانەوێ قەبە دەربکەون و ئیسلام وەك ئایینی باو لە ئەمریکا شوێنی کریستیانەتی بگرنەوە و دواتر یاسای شەریعە فەرز بکەن .
هەر چی بەرەی گەنجەکانە کە وەك کۆمۆنیست خۆیان نیشان ئەدەن ، کاریان لەگەڵ ووڵاتی چین یەك ئەگرێتەوە و بەپارە و پاڵپشتی ئەوان هەوڵ ئەدەن ببنە ژمارە یەك و دەسەڵات لای خۆیان بێت.
بەرەی سێیەم و دیموکراتەکان لەم نیوەندەدا چاوەڕوانی ئەوەن بزانن ئایا لایەنی گەنجەکان هەڵببژێرن وەیان ئیسلامیەکان..ئەمانە پاڵپشتی سەرەکیان دەوڵەتی بەریتانیایە و لەلایەن (Chatham House) ئاراستە ئەکرێن و بەرژەوەندی و کاریگەری پاشای ئینگلتەرەیان لەسەرە.
گەلی ئەمریکا هەڵەیەکی گەورەی کرد کاتێ سزای کۆمارییەکانی دا و دەنگیان پێ نەدان، لەبەرئەوەی هەڵبژاردەی دووەم زۆر زۆر لە هی یەکەم خراپتر و مەترسیدارترە. هەروەك چۆن لە کوردستان کاتێ هەڵبژاردن ئەکرێ خەڵکی دەنگ بە پارتی و یەکیتی ئەدا ، چونکێ ئەزانن ئەوانەی تر زۆر زۆر لە پارتی و یەکێتی مەترسیدارتر و خراپترن. ئێستا هەمان شت لە ئەمریکا دووبارە بۆتەوە. بەڵێ ڕاستە گرانی هەیە و بەنزین و خۆراك و کرێ و خانوو بەرەو بیمەی تەندرووستی و هەموو شتێكی تر بەرز بۆتەوە. بەڵام لەهەمان کاتشیدا ئەمریکا ئێستا گەورەترین بەرهەمهێنەری ووزە و نەوتە لە جیهاندا. هەروەها لەبواری (AI) زۆر لە پێش ووڵاتانی ترەوەیە و ترامپ هاندەری سەرەکیە بۆ ئەم تەکەنەلۆژیا نوێێیە.ئەمە جگە لەوەی ئازادی و سەربەستی ئابووری و کۆمەڵایەتی و مافی هاوڵاتیبوون لە لوتکەدایە. کەئەمانە هەمووی نامێنن کاتی ترامپ ئەڕوا و سەرۆکێکی تر لە دیموکراتەکان ئەبیتە سەرۆك.
