نوێترین گەندەڵى ووتەبێژى حكومەتى هەرێم.....

كاوە محمود وەزیرى رۆشنبیرى و لاوان و ووتەبێژى حكومەتى هەرێمى كوردستانە ماوەیەكیشە پۆستى وەزیرى شەهیدانى وەرگرتووە بەوەكالەت ، كاوە محمود لەسەرلیستى حزبى شیوعى كوردستانە و پێشتر بەردەوام باسیان لەگەندەڵى دەكرد بەڵام ئێستا خۆى گەندەڵى دەكات لەپۆستە حكومیەكەى ، لەنوێترین گەندەڵى ئەم سەردەمە كەكاوەمحمود دایهێناوە ئەویش گەندەڵى و واستەیە بۆشەهیدان نەك بۆزیندوان !!! كاوەمحمود ماوەیەكە پۆستى وەزیرى شەهیدانى وەرگرتوە بەوەكالەت و لەئێستاشدا بەگەندەڵى لەوپۆستە كاتییەى تێوەگلاوە ، بە‌گوێرەى زانیاریەك لە‌ ژمارە‌ (166)ى رۆژى 13/6/2011 هەفتەنامەى رووداو هاتوە كەبەئیمزاى كاوە‌ مە‌حمود وە‌زیرى شەهیدان و كاروباری ئە‌نفالكراوان بە‌ وە‌كالە‌ت، پلەى 134 كە‌س لە‌ لیستى شە‌هیدانى حیزبى شیوعى كوردستان بەرزدە‌كرێتە‌وە‌، بە‌و بەرزكردنەوەش‌ موچەی وا هە‌یە‌ لە 90 هە‌زار دینارە‌وە‌ بووە‌تە 977 هە‌زار دینار،

بە‌ نوسراوی ژمارە(1101)، كە لە24/2/2011 دە‌رچووە‌و واژوی كاوە‌ مە‌حمود شاكر ، وەزیرى شە‌هیدان و ئە‌نفالكراوان بە وە‌كالە‌ت فە‌رمانى گۆرینى پلە‌ و موچەى 134 شەهیدى حزبى شیوعى كوردستانى دراوە‌، بەپێى ئەو فەرمانە وەزارییە پلەى ئەوشەهیدانە بەرزكراوەتەوە‌، كەلەناو ئەوناوانەدا شەهیدى هاولاتى هەیە كراوەتە ئامر مەفرەزە، هەروەها لەپێشمەرگەوە كراوەتە بەرپرسى ناوچە .

كاوەمحمود كەئەندامى مەكتەبى سیاسى حزبى شیوعى كوردستانە ، جگە لەوەزیرى رۆشنبیرى و لاوان وەزیرى شەهیدان و ئەنفالكراوانە بەوەكالەت ، وێراى هەبونى بەڵگەناوبراو رەتیدەكاتەوە ئەوپۆستەى بۆبەرژەوەندى خانەنشینان و بەرزركردنەوەى پلەى شەهیدانى حزبى شیوعى بەكارهێنابێت ، لێرەدا ئەوە ماوەتەوە دەبێت داواكارى گشتى و لیژنەى شەهیدان لەپەرلەمانى كوردستان كار لەسەر ئەم دۆسیە بكەن .