ئەى ناجوامێر تۆ چیت و كێیت و لە كوێ بویت وا ئیستا خەبەرت بوەتەوە؟؟ وەڵامێكی كورت بۆ بەناو جوامێرێك لە كوردستان نێت

ئەو نوسراوەى كاكی ناجوامێرێك نوسیویەتی لە كوردستان نیت لە رۆژی 27 ئایارى 2010 رێك پێكەنینی ئەو گوێدرێژەى بیر هێنامەوە، كە لە دارستانێكدا ،دوای چەند رۆژێك لە نوكتەیەك تێدەگات و تێر پێدەكەنێت و چونكە زۆر درەنگ تێدەگات لە كاتی خۆیدا حاڵی نابێت، ئەم برادەرەش تازە بە تازە خەبەری دەبێتەوە لە بارەی یەكگرتوو دەیەوێت شتێك بڵێت و، خۆی هەڵقورتینی لە باسێك كە زۆر نەزانانەو ناحاڵیانە تێی كەوتوە، دەكرێت لێی بپرسین و بڵێین ئەوە لە گوێی چیدا نوستبوى كاكە؟، یەكگرتوو كەی هەڵقوڵاوێكی كتوپرو كاتی بوو كە بە بەقسەی تۆ بە گۆشتی قوربانی دەستی پێكردبێت ،ئەوە ئەو پەری سوكایەتی كردنە بە خەلك و وەك بابای ناحاڵی وئاغای سەرلێشێواوت لێ هاتوە كە خەڵكی بە سەگ چواند و وا دەزانیت تەنها بە نان بۆ فرێدان شوینی دەكەون، نا كاكە تۆو ئەو ئاغا دۆراوەشت زۆر هەڵە تێگەیشتون كە خەلك بە گشتی ئەوەندە ساویلكە نین بۆ خێرێك شوێن رێبازیك بكەون، ئەوە لە فەرهەنگی ئێوەى خۆ فرۆشدا وایە كە كە بۆ پاروە نانێك خۆتان و میللەت و وڵات وكەرامەتیشتان هەراج دەكەن، ئاخر كێ بوو ، بۆ مانەوەى خۆی دوژمن نەبوو نەیهێنێتە سەر وڵاتمان و جاشایەتی نەبوو نەیكات ، بۆ تۆ وا دەزانیت خەڵك ئەوەی لەبیر چوەتەوە و دوێنێی لە بیر كردوە، كێ هەموو رۆژێك تنازل بۆ عەرەب دەكات و قاچی ئەو قورەیشیانە ماچ دەكات كە عقدەت هەیە لە گەڵیان و لە بەردەم ئاغاكانت ناوێریت فزە بكەیت و سەرت شۆرە لە بەردەمیانداو پاساویان بۆ دێنیتەوەو لەو لاشەوە كەسانی تر تاوانبار دەكەیت بە نیشتمان فرۆش.

دلنیام ئەو قسە پوچانەی كە فێری بویت خۆشت باوەرت پێی نییە و ناتوانیت بیسەلمینی وتەنها بیستوتەو بۆیان باس كردوی ،یەكگرتوو خاڵى نییە لە عیب و كەموكوری ،بەڵام ئەو تۆمەتەی كە دەدریتە پاڵی سەبارەت بە ناعەدالەتى زۆر دورە لە راستیەوە، من خۆم باش لە بیرمە كە ئەو قوربانیەى تۆ باسی دەكەیت بێ جیاوازی و مالأ بە مال دابەش دەكرا، برۆ ئیستەش ئەوانەی لە خیرو هاوكاریەكانی رابیتەو یەكگرتوو سود مەندبوون لە بێباوكان و نەخۆش وهەژاران بزانن كەی جیاوازی كراوە لە نێوانیاندا، بە پێچەوانەوە لە ئەرشیفی چالاكی ئەو رێكخراوو دەزگایانەدا بە تۆماری دەنگ و رەنگ هەڵگیراوە كە چەندین خەلك و كەسی سەر بە لایەنە جیاوازو سەدان هەزار خەلكی تر كە سود مەند بون و كەس جیاوازی نەكردوە لە نێوانیاندا، دروست كردنی ئەو تۆمەتە بێسەرو بەرانە شاردنەوەی گەندەڵیەكانی ئەو دەسەڵاتەیە كە بە تزكیەو نامەی ریكخستنی تایبەت نەبێت بواریان نەداوە كەس دامەزری و سود وەرگرێت لە داهاتی میللەت كە هی خۆیەتی و ئەوان دەستیان گرتوە بەسەریدا، باشە گەر یەكگرتوو پارەى لە دەرەوە هێنابێت بۆ خەڵكی هەژار چ عەیبەیەكی تیایە، بەڵام دزینی پارەى میللەت و بەكارهێنانی بۆ چەواشەكارى و كرینی ویژدانی خەلك لای ئەو بەریزە شتیكی ئاساییە، پێم ناڵێی ئەو هەموو ملیار دۆلارە كە ساڵانە لە گومرگ و داهاتی وڵات دەست دەكەوێت چی بەسەردێت وبۆ كوێ دەبرێت؟.

ئەو چاویلكە رەشەى كە ئەو ناجوامێرە لە چاویدایە شتەكانی لێ تیكداوەو لە جیاتی ئەوەی بپرسێت ئایا ئەو هەموو سامانەی میللەت و ئەو نەوتەى كە بەشی هەموو تاكێكی ئەم گەلەیە بۆ كوێ دەبریت و كێ دەیخوات و دەچێتە كام بانكی وڵات و بۆ كێ سەرف دەكرێت؟ لە جیاتی ئەوە دەپرسیت بۆ فلان وەزیرى یەكگرتوو لە مالّی خویدایەو بۆ لە خەیمەدا نیە،

دلنیا بە هەموو میللەت پرە لە دزی و گەندەلیەكانی دەسڵات و یەكگرتوش ئەو تەوژمەیە كە بۆ كۆتای هێنان بە ناعەدالەتی هاتوەو چیتر ناتوانن خوینی میللەت بمژن و خۆتان بكەنە پاڵەوان و كەسانی تر دوژمن ئەوە بەسەر چو كە بە ئارەزوی خۆتان خۆتان بسەپینن، یەكگرتو لە ناو میللەتەوە هاتوەو بۆ بە كونا كردنی ئەوانەی كە وەك شەمشەمە كێرە بە دەركەوتنی خۆری راستی دەبیت بچنەوە كونەكان و روی ئاوەدانیان نەبێت.

یەكگرتوو عەقلەكانی خستەوە كارو كوردستانی خستە سەر رێی دیموكراسیەت و قوربانی بۆ داو ئێوەی ناچاركرد كە لە ترسی یەكگرتوو زور شت بكەن و لەو خەوە خۆشە بەخەبەر بین و بوەستن لە بەردەم پرسیاری میللەتدا، بۆیە لە كۆتاییدا هەقە ئێمە لە تۆ بپرسین ئەرى تۆ لە كێوە هاتویت و هى كوێیت؟؟؟؟؟؟؟؟؟