بەختیار سەعید لە ستایشى نێچیر بارزانیدا

رەنگە سەیر نەبێت ئەگەر بڵێن بازرگانێك بەڵێنیكى داوە و دواتر لێى پەشیمان بۆتەوە، یان سیاسیەك یان هەركەسێكى دیكە، چونكە ئەوانە كەسانێكن لە لەگەڵ زەمەكانكاندا و بە پێى بەرژەوەندیەكان خۆیان دەگونجێنن، بەڵام رەنگە ئەستەم بێت بۆ رۆژنامەنوسێك كە وەك یارى پەتپەتێن هەردەمە و بەتى لە نەوعێك بەدەستەوە بێت، چونكە بەدێژای مێژۆى رۆژنامەگەرى رۆژنامەنوسان كەسانێك بوون كە هەمیشە لەبەرەى غەدرلێكراوەكاندا بوون و شەڕیان لەسەر وەرگرتنەوەى مافى ئەوانە كردووە كە مافیان خوراوە و كاریان لەسەر ئەوە بەشە كردووە كە زۆرینەیان لە كۆمەڵگەدا پێك هێانەوە، رەنگە مەبەستى ئەونوسینەم زیاتر بەختیار سەعید بێت كە من هەمووى چەند ساڵێكە دەیناسم سەڕەراى كاركردن لە زۆر لەكەناڵە حوكمى و حیزبیەكاندا و دواتر درووست كردنى سایتێك بەناوى نیشتیماننێت هەموو كاتێك وەك رۆژنامەنوسێك لەبەرەى خەڵكدا و دور لەهەموو بەرژەوەندیەكى تایبەت بەخۆى رەخنەى دەگرت و هەمیشە دەسەڵاتى بەتاوانبارى یەكەم ناو دەبرد لە ئەو كەموكوڕیانەى كە كوردستانى گرتۆتەوە، دواى داخرانى ئەوسایتەش وەك رەخنەگرێك زۆرجاران لە لەشەقامى باتەى هەولێر كۆمەڵێك رۆژنامەنووسى لەخۆى كۆدەكردەوە (كە زۆربەى ئێواران بەندەش لەوێ ئامادەبوو) وەعزى بۆ دەداین بە قسەى خۆى پێى وابوو كە هەردووحیزبى یەكێتى پارتى دەبێ بچنە زبڵدانى مێژووەوە، بەشەقامى باتەش وازى نەهێنا گەلێك ئێوان لەشاشەى (knn)یشەوە دەمبینى كە وەك رەخنەگرێكى جدى دەكەوتە وێزەى هەدوو حیزب و تەنانەت لە ناوبردنى سەرۆكەكانیشیاندا وشەى كاك و مامى دەقرتاند و بەزمانەكەى خۆى (دەیگوت مەسعود و جەلال)، ئەوەش بووە هۆى ئەوەى زۆركەس ئەشەوبیلاى جەرائەتى بۆ بخوازن و پێى بڵێن بەراستى تۆ جیاوازى.
هەنگاوەكان بەرەو پێش و كارەكان گەورەتر بوون تا شەوى 1/10/2009 ئاگر بەردرایە ئۆتۆمبێلەكەیى و بەجارێ هەراكەى گەورە كرد و بێ ئەوەى كەس بزانێت كە ئایا لەسەر كێشەى خێزانى بووە یان هۆكارەكەى چى بوو، بێ سێ و دوو دەزگا ئەمنیەكانى سلێمانى پێ تاوانبار كرد بەوەى شەو حەراسەتیان لەسە سەیارەكەى نەگرتووە.
تا ئێرە مەرحەلەى خۆ سوور كردنەوە و بەگەندەڵ ناوبدنى حوكمەت و حیزب بوو، بەڵام لێرەوە چى؟
لەلەسوچى سەرەوەى چەپى لاپەڕە دووى ژمارە 101ى رۆژنامەى ستاندەر سوپاس و پێ زانینێكم بەرچاو كەوت كە لەبەرامبەر ئەوەدا كرابوو كە لەبرى سەیارە سوتاوەكەى بەختیار سەعید نێچیرڤان بارزانى سەیارەیەكى دیكەى بۆ دەكڕێتەوە، ئەوەش گوایە لەسەر پێشنیارى كۆمەڵێك رۆژنامەنوس، دەكرێ بڵێم لە دیدى منەوە ئەوكارە بەتەواوى جێگاى سەرسوڕمانە و گوومانە، چونكە ئەوەى رۆژێك پارتى و بارزانیەكانى لە نزیكەوە ناسیبێت تێ دەگات هێندە زانایانە كار دەكەن و گومان نابردرێت هێچ كاتێت بێ هۆ دیاریەكى بچووك ببەخشن جا سەیارە و بەتایبەتیش پڕادۆ؟
من لێرەوە تەنها یەك پێشنیار دەكەم بۆ بەختیار سەعد و برایانیشم لە رۆژنامەى ستاندەر دەڵێم نەدەكرا دەقى ئەو پێشنیارە بڵاو بكەنەوە؟؟ یان دەتوانن ناوى ئەو رۆژنامە نوسانەمان پێ بڵێن كە ئەو پێشنیارەیان كردوە؟
یان وەك كورد دەڵى دووگى تەر بێ عەلامەت نییە؟