بەدیكۆمینتەوە: ئەمە ئەو كاندیدەیە دەڵێت بەرگریتان لێدەكەم

ئەم نوسینە بابەتێكى كەسی نیە بەڵكو داماوى سیستەمى دادوەرى لەهە رێمى كوردستان دەردەخات وە نمونەیەكى زیندو بەدیكۆمینتەوە پێشكەشدەكات كە هیوابڕاومان ئەكات ڕۆژیك تەنانەت بیر لەوەش بكەینەوە كەعەدالەت لەڕێگەى ئەم دەزگا یەوە بەدیبێت ، دادگا بەدەست ئەم جۆرە كەسانەوەیە . ئەبێت چ هیوایەكمان بەم كەسەو حیزبەكەى ببێت ، بێجگە لە ماڵوێرانی وبێدادى پەراوێز خستنى هەژار و كەمدەرامەتان.
دادوەر سامان فتاح حسن كە پێشتر كامێرامانى مەڵبەندى ڕاپەڕینى یەكێتى بوو ، لەداهێنانێكى یە كێتیانەدا ، كرا بەدادوەر ، چونكە پێشتر ئەم كاكەیە لە پارێزەرەیاتیدا شكستى هێنابو ، كاریكى ساختەكاری كردبو (تەزویر) ، لێكۆڵینەوەى لەگەڵدا كرا ، لەشارى كۆیە ناوى زڕا، لەبەرئەوە نەیتوانى لەوێ خۆى كاندیدبكات ، بەڵام بە هەوڵى یەكێتى هەتا ئێستا دۆسیى لێكۆڵینەوەكەى شاردراوتەوە ، ئێمە وێنەیەكیمان لەلا هەیە ئەگەر لایەنێكى یاسایى ویستى بیجوڵێنێت.

ئەم دادوەرە بۆ دەیەوێت خۆى كاندید بكات، لەكاتێكدا بێچاودێر، چۆنى بوێت واهەڵسوكەوت ئەكات ، بۆ دووەم جار ئەم دادوەرە بۆ سلێمانى گوێزرایەیەوە ، دیارە لەبەر بێزانیارى ئەبو بەگاڵتە جار لەلایەكى ترەوە لە ڕانیە بەرتیل وەرگرتن و ئیختلاسى بوجەى دادگاكانى ناوچەى ڕاپەڕین ... بوارى زۆر زۆرە و بێچاودێرە . ناچار ئەم جارە ئەم ڕێگەیەى هەڵبژارد و خۆى كاندیدكرد . چونكە جارى یەكەم كە نەقڵكرا ئاكۆى عەباس ئاغا واسیتەى بۆكرد و توانى فەرمانەكەى هەڵبوشێنێتەوە . ئەوەى كەمایەى داخە لەم هەرێمە و لە سلێمانى دادگا و دەسەڵاتى دادوەرى بوە بە نوكتە یەك . بەگوێرەى یاسا ئەم دادوەرە ئەبێت كەنارگیرى (استقالە) بكات بە پێى مادەى (52 / دووەم) لە یاساى دەسەڵاتى دادوەرى هەرێمى كوردستان ژمارە 23 ى ساڵى 2007 كە یاساغى كردوە دادوەر خۆى كاندید بكات وە پێشمەرجى خۆ كاندیدكردنى كەنارگیریە ، بەڵام سەرۆكى دادگاى سلێمانى بەنایاسایى مۆڵەتى بەموچەى پێداوە بۆ مانگێك ، هەتا بانگەشەى هەڵبژاردن بە ئارەزوى خۆى بكات ، وەكوكاك سامان خۆى ئەڵێت: چووە بۆ لاى سەرۆكى ئەنجومەنى دادوەرى لە هەولێر پێیوتوە كەوا یەكێتى بەزۆر توشى ئەم خۆ كاندیدكردنەى كردوە، ڕازیكردووە . وەكو زانراوە كۆسرەت ڕەسوڵ هەوڵى بۆ داوەو لە سەرۆكى ئەنجومەنى دادوەرى هەولێر پاڕاوەتەوە. ئەندام پەڕلەمانێكى گۆڕانیش (كە پێشتر دادوەر بووە) بۆ ئەمە هاوكارى بووە ، چۆن ئەبێت سەرۆكى دادگاو سەرۆكى ئەنجومەنى ئاوا یاسا پێشیل بكەن وە چاوپۆشى لیبكەن ، ئەبێت هەر ئێستا كەنارگیربكرێت (استقالە) .من نازانم تاچەند لایەنە سیاسیەكان ئەمەیان بەسەردا تێدەپەڕێت .
لەڕوى یاساییەوە كەسێكى نەزانو بێزانیاریە بڕیارەكانى كارمەندە یاساییەكان بۆى ئەنوسنەوە ، بەڵام لێرەدا ئاماژە بە چەردەیەك لە گەندەڵیەكانى دەكەین :
1 - تۆمەتبارێك بەناوى (على عبداللە باپیر) خوشكەكەى (وەزیرە) لە 5/10/2005 ئەكوژێت ، پاش هە ڵهاتنى دواى (25) ڕۆژ بەمادەى 406 یاساى سزاكان كە سزاى كوشتن سێدارەو زیندانى هەمیشەییە ، لە پۆلیسى حاجیاوا ئەگیرێت ، بەڵام دور لەهەمو یاسایەك ، مادەى كوشتنەكەى بۆمادەیەكى سوك گۆڕى بە مادەى (411/1) كەكوشتنى بەهەڵەیەو بەگرتنى ماوەى ڕاگرتنەكەى كە (25) ڕۆژ بوو حوكمى دا ، هەر ئەوڕۆژە خۆى دادگایكردو بكوژەكەى بەردا . كە ئەمە بێجگە لە پێشێلكردنى یاساییە بێویژدانیەكى گەورەشە ، بەرتیل خواردنێكى بێوێنەی لەپشتە .
هەر لەم جۆرە نمونانە : كاتێك مامۆستایەك لە مەلەوانگەیەكى ڕانیە ئەخنكىَِ ، كە ئەبوایە بێلایەنانە لێكۆڵینەوە لەدۆسیەكەى بكرایە بەڵام ئەم دادوەرە چونكە خۆى لەوێ مەلە دەكاتن, خاوەنەكەى كەسێكى دەوڵەمەندە ، دۆسیەكەى دیزە بەدەرخۆنەكرد .
2- بەنایاسایى وژێر بە ژێر لە دادگاوە بەتایبەت لەژورى پارێزەرانەوە كارەباى بەردەوامى بۆ ماڵەكەى دزیوە .
3- دو دەفتەر دۆلارى لە كۆمپانیاى راكان وەرگرتوە . بەو بیانوەى كە زەویەك لەلایەن ئەوكۆمپانیایەوە بەكارهێنراوە ، ئاكۆى عەباس ئاغا داویەتى بە برایەكى كە لە ئەوروپا ئەژى .
4_ ئۆتۆمبیلى نیسان پاترۆڵ ژمارە (11 دادوەرى) تەرخانیكردوە بۆ ئیشى تایبە تیو ، جگە لە ئۆتۆمبیلى تر كەدەبڵ كابینەیەكە بە ژمارە ( 137 دادوەرى) كەتایبەتى كردوە بۆكاروباری خانوەكەى . لەوێنەكەدا بە ئاشكرا دیارە .

5- خانوەیەكى زۆر گەورەى لە شارى كۆیە كردوە, بێجگە لە هەمو پێداویستیەكى گەرم و ساردى, سەرخەر (مەسعەد) بۆ داناوە كەڕوبەرەكەى (250م2) وە (150م2) باخە,لەگەڵ زەویەكى مەتروكەى نزیكى داگیركردووە كردویەتى بە باخ لەسەر حسابى دادگا كە ئەویش (100م2), بڕوانە ئەم وینەى خوارەوە كە خانوەكەى لە دروستكردندایە.

6 هەركەسێك كەبەڕێبوارى بەلاى دادگاى ڕانیەدا تێبپەڕێت ، وائەزانێت كە كۆمیتەیەكى یەكێتیە ئەم دادوەرە لەڕۆژى 15/5/2012 وێنەیەكى گەورەى جەلال تاڵەبانى خەستەى بەودەرگا سەرەكیە هەڵواسیوە كە وا دراوە خەڵك بۆ ماف وەرگرتنەوەى لێوەى بچنە ژورەوە .

7 لە وتە كانى ئەم حاكمە كە هەمو جارێك لەزۆر كۆڕو كۆبونەوەوە لە كاتى مەحكەمە دوبارەى ئەكاتەوە لەوانە ئەڵێت : (باوكم موزەمید بوە لەدەرزى لیداندا دەستى سوك بوە . منیش دەستم سوكە) وە (تەرازوى قانون لاى من لایەكى قانونە لاكەى ترى عەشایریە) بڕوادەكەن ئەم نمونەیە لەدنیادا هەبێت ، مەگەر لاى یەكێتى.
8 - ژنى ئەم دادوەرە بوە بە بەشێك لەگەمەكە ، هەندێك لەو خاوەن دوكانانەى ناوشارى ڕانیە كە دوكانەكانیان بۆ دروستكردنى شەقامى دو سایدى تێكدراوە نزیكەى دوسەد كە سێك ئەبن ، ئەچنە ماڵى كاك سامان بۆ سۆراغى داواكانیان لە دادگا كە هیچ هەواڵێكى نیە وە داواى قەرەبویان كردووە ، ژنەكەى لەوخەڵكە ڕائەپەڕێت ، هەڕەشەیان لێدەكان ئەگەر دەنگ بە سامان نەدەن.

9 ئەو زەویانەى كە وەریگرتووە:
یەكەم : كاتێك ئەم دادوەرە لە شارۆچكەى قەڵادزە بوو ، قایمقامى ئەو كاتە على حمە وسو ، بەئارەزوى خۆى وە چۆنى ویستبێت ، ئەم دادوەرەى جوڵاندووە ، چی ویستووە كردویەتى ، لە پاداشتى ئەوەدا زەویەكى ژمارە (198/1060) كەرتى (28) قەڵادزە ، داوەتێ كەڕوبەرەكەى (300م2) ە

دووەم : وەكو دادوەر لەگەڕەكى بەكرەجۆى سلێمانى پارچە ودزەویەكى دووسەد مەترى وەرگرتووە بەژمارە (20/1551) قلیاسانى خوارو .بەنوسراوى سەرۆكایەتى شارەوانى سلێمانى ژمارە(1443 لە 12/3/ 2003)

سێیەم : پارچەزەوى ژمارە 198 / 878كەرتى 28 قەلادزە ، لەهاوڵاتیەك وەرگرتوە بەناوى (هیوا سلێمان مستەفا) بە بەخشین (هبە) هەربەوەش بەناویەوە تۆماركراوە بە ژمارە (77) مانگى حوزەیران ساڵى 2005 بەرگى (46) : كەدواتر فرۆشتویەتى ، تەنها ئەوەبەسە كە ئەم دادوەرە لەكارەكەى دەربكرێت چونكەدادوەر بۆى نیە دیارى لەكەس وەربگرێت ، بێچەوانەى یاساى دەسەڵاتى داوەرییە ، لەوانەیە لەم نمونەیە لەسۆماڵیشدا نەمانێت .

10 ئەم دادوەرە شكۆمەندیو هەیبەتى دادگاى بەجۆرێك شكاندووە ، كەلێپرسراوى ئیدارەى ڕاپەڕین دێت بۆ دادگاو لەپەیجى خۆیدا بەچالاكى داناوە ، لەڕوى یاساییەوە بەهیچ جۆرێك بۆى نیە هیچ جۆرە لێپرسینەوە لەدادگابكرێت یان بەهەر شێوەیەكى تر ، ئەگەر سەردانیى دادگایكرد حاڵى وەكو حاڵى هەركەسێكى ئاساییە ، كەنابێت دادوەر مەنەسەى دادگا بەجێبهێڵێت ، بەڵام بڕواننە وێنەى ژمارە (6) دادوەر هاتۆتە دەرگاى دەرەوە ، ئەلێیت یەكێكە لەپاسەوانەكانى .

10 ئەم دادوەرە بوجەیەكى زەبەلاحى دادگاكانى ڕانیە وقەڵادزێ وچوارقوڕنەى لەبەردەستایە ، بێچاودێر بە ئارەزوى خۆى هەمو ساڵێك چۆنى بوێت سەرفى ئەكات (هەر لایەنێك ویستى لێكۆڵینەوە لەوە بكات ئەتوابێت لەڕێگەى كوردستان پۆست دیكۆمینتى دەستبكەوێت) ئەم خاڵێكى زۆر گرنگە هەڵدەگرین بۆ كاتێكى دیكە . بەڵام لەگەڵ ئەوبوجە زەبەلاحەدا ئەم دادوەرەى یەكێتى دور لە هەمو بنەمایەكى بەرماڵى سواڵى داخستووە شكۆى دادوەرى خستۆتە ژێر كڵاشى حیزبەكانەوە :
یەكەم : داواكردنووەرگرتنى یەك تاقم قەنەفە لەمەڵبەندى (8) راپەڕینى یەكێتى ساڵى 2010
دووەم : وەرگرتنى یەك ملیۆن دینار لە لقى پارتى ڕانیە بۆ دروستكردنى كابینەیەك لەناو دادگا .
سێیەم : كارەكە حیزبیشى تێپەڕاند ، یەك ملیۆنو دوسەد هەزار دینارى لە كەسێك بەناوى (عمر ێابركریم) وەرگرت بۆ دروستكردنى ژورێك بۆ موەلیدەى كارەبا ، لەكاتێكدا ئەم كەسە خۆى داواى لەو دادگایە تۆمار كردووە داواى قەرەبوئەكات .
لەهەموى نەهامەتیتر بەدبەختى خەڵكى ڕاپەڕین ئەوەیە كەسەرۆكى دادگاى سلێمانى وسەرۆكى ئەنجومەنى دادوەرى ئاگادارى كارو كردەوەكانى كاك سامانن وردو درشتى ئەزانن، ئەگەر ئاگادار نین ئەوە دیكۆمینت ، حەقوایە سەرپەرشتیارى داد وە داواكارى گشتى بەوەڵام بێن، ئا ئەمە ئەو كەسەیە ئەچێت بۆ پەڕلەمانى بەغدا : بەرگرى لە هەموكورد ئەكات؟...
لەوڕۆژانەدا كە پشووەو خەڵكى ڕاپەڕین سەرگەرمى سەیرانن ، ئەم دادوەرەش لەسەیرانگاكاندا لەوێیە سفرە بە سفرە ئەگەڕێت ، هەمو شكۆیەكى دادوەرى خستۆتە ژێر پێیى ، لەوەش زیاتر : ئەوانەى كەنانى ڕۆژانەیان بەدەهۆڵو زوڕنا لەو سەیرانگایانەدا پەیدائەكەن ، لە پاڵ كاسبیە كەیاندا دادوەرى كاندید لە ڕ ێگاى ئەوانەوەكارتى خۆى دەبەخشێتەوە ، كەواتە ئەم كاندیدە شایستەى كێیە ؟. بڕوانە وێنەى دادوەر سامان فتاح حسن ژمارە (7) بە ڕەنگى سەوزى یەكێتیەوە .