پارتی به ده‌ستی خۆی خۆی تاوانبار ئه‌کا، گۆڕان و یه‌کێتیش بێتاوان خۆیان ده‌رئه‌خه‌ن
20/05/2010, 12:00 (GMT+1)
له دوای شه‌هید کردنی جوانه مه‌رگ سه‌رده‌شت عوسمان بارودۆخی سیاسی کوردستان به‌ره‌و بارێکی نائارام هه‌نگاو ئه‌نێت له کاتێکدا که ئێستا کورد پێویستی به یه‌ک گرتنێکی ته‌واوه‌تی هه‌یه له په‌رله‌مانی نوێی عێراقدا به‌تایبه‌تی له دوای راگه‌یاندنی هاوپه‌یمانێتی لایه‌نه کوردیه‌کان به‌ڵام له دوای رودانی ئه‌و کاره تیرۆرستیه کوردستان بۆته شاشه‌یه‌ک بۆ وڵاتانی بێگانه به جۆرێک که ئه‌مه‌ش مه‌ترسی بۆ یه‌ک ڕیزی تاکی کورد و هه‌رێمه‌که‌مان هه‌یه. به‌ڵام ئه‌بێ ئه‌و ڕاستیه بزانرێ که ڕفاندن وتیرۆرکردنی رۆژنامه نوسێک و خوێنکارێکی زانکۆ له پایته‌ختی کوردستان و نمونه‌ی ئارامی هه‌رێمی کوردستان خۆی له خۆیدا مه‌ترسیه‌کی تره بۆ ئازادی ڕاده‌ڕبڕین و ئازادی قه‌ڵه‌م له کوردستاندا، ئێمه ئه‌بێ ئه‌و راستیه بزانین که ڕژێمی به‌عسی ڕوخاو تاکه هێزێک که به ده‌ستیه‌وه بوو ئه‌ویش هێزی تۆقاندن و چاوسورکردنه‌وه بوو که ئه‌گه‌ر به‌راوردێک بکه‌ین له‌گه‌ڵ سیاسه‌تی پارتیدا هه‌مان ئه‌و سیناریۆیه‌یه که ته‌نها شتێک به ده‌سیه‌وه مابێ ئه‌و هێزه‌یه که ئه‌مه‌ش به ئاشکرا ده‌رده‌که‌وێت، وه‌ک ئاشکرایه سه‌رجه‌م شاره‌کانی کوردستان ئه‌م کاره‌یان ئیدانه کرد به‌ڵام ته‌نها ئه‌و ناوچانه نه‌بێ که‌ئه‌که‌ونه سنوری ده‌سه‌ڵاتی پارتیه‌وه له کاتێکدا که ئه‌مه مه‌ترسی بۆ باری ئارامی ئه‌و ناوچانه هه‌یه. ئه‌وه‌ی له‌م بارودۆخه‌دا منی سه‌رسام کردوه ئه‌وه‌یه که پارتی خۆی به تاوانباری سه‌ره‌کی دا ئه‌نێ به به‌یاننامه و شه‌ڕی ڕاگه‌یاندنه‌کان وه‌ک ئه‌وه‌ی بیه‌وێ خۆی بێتاوان بپه‌ڕێنێته‌وه که ئه‌مه‌ش مه‌ترسی بۆ سیاسه‌تی پارتی هه‌یه له‌و ناوچانه‌دا ئه‌وه‌ی که وه‌ک پرسیار یه‌ته پێشه‌وه ئایا پارتی بۆ خۆی به خاوه‌نی ئه‌م کاره ئه‌زانێ؟ ئایا پارتیش بۆ وه‌ک لایه‌ناکانی تر ئیدانه‌ی ئه‌م کاره‌ی نه‌کرد؟ به وه‌ڵام یانه‌وه‌ی ئه‌م پرسیارانه ورده ورده له تاوانباری پارتی نزیک ئه‌بینه‌وه. وه لێ رفاندن و شه‌هید کردنی قه‌ڵه‌م به ده‌ستان بۆته دیارده و له‌مه‌و دوا هیچ که‌سێک وه‌ک ڕوداو ناڕوانێته ئه‌و بارودۆخه، ڕفاندنی ڕۆژنامه نوسان له هه‌رێمی کوردستان و شه‌هید کردنیان له ناوچه‌کانی ده‌ره‌وه‌ی هه‌رێم خۆی له خۆیدا پرسیارێکی تر ئه‌هێنێته پێشه‌وه ئایا ئه‌م ڕۆژنامه نووسانه هێنده گرنگن لای تیرۆرستان؟ ئایا هیچ نوسراوێکیان هه‌یه که باس له‌وان بکات؟ وه‌ڵامی ئه‌م پرسیارانه به هه‌ر جۆرێک بێت تاوانباری حکومه‌ت و هێزه باڵا ده‌سته‌کانه‌ی ئه‌و ناوچه‌یه‌یه له‌و ڕووه‌وه که ناتوانن ئارامی وڵات بپارێزن به‌تایبه‌تی ئارامی له پایته‌ختی هه‌رێمێکدا. وه پرسیارێکی تر یه‌ته پێشه‌وه ئایا ئه‌مه کاری گۆڕانه یان یه‌کێتی یان پارتی؟ ئه‌گه‌ر ئه‌مه ئیشی گۆڕان بوایه بێگومان پارتی و یه‌کێتی بێده‌نگ نه ئه‌بوون وه کارێکیان ئه‌کرد که گۆڕانی پێ له خشته به‌رن به‌ڵام ئه‌گه‌ر ئیشی یه‌کێتی و پارتی بوایه بێگومان بارودۆخه‌که وه‌ک ئێستا ئه‌بوو به‌ڵام بێتاوانی یه‌کێتی لێره‌دا ئاشکرایه که ئه‌و ناوچه‌یه ناوچه‌ی ده‌سه‌ڵاتی پارتیه وه حه‌ز ئه‌که‌م لێره‌دا جه‌خت له‌وه بکه‌م که ئه‌گه‌ر پارتی بێتاوانه بۆ ڕوونکرده‌وه و با دواداچون ناکات وه ئه‌گه‌ر تاوانباریشه ئه‌وه بۆمان ده‌رئه‌که‌وێ که ئه‌م حیزبه ته‌نها پیاهه‌ڵدان و ماستاوی ئه‌وێ و خۆی به خاوه‌نی هه‌موو سه‌ربه‌رزیه‌کان دا ئه‌نێ که له ڕاستیدا وا نیه چونکه شان به شانی ئه‌وانیش بگره زیاتر له‌وانێش خه‌بات کراوه، سیاسه‌تی پارتی به جۆرێک پێویستی به چاک سازی هه‌یه که ئه‌گه‌ر بیه‌وێ له کوردستاندا بمێنێته‌وه ئه‌وا پێویستی به‌وه هه‌یه وه‌ک هێزێکی دیموکرات خۆی به‌رجه‌سته بکات ئازادی قه‌ڵه‌م ڕه‌هه‌ند وه‌رگرێ و نوسین به نوسین وه‌ڵام باته‌وه نه‌ک به چاو سورکردنه‌وه چونکه ئه‌گه‌ر بێت و ناوچه‌که‌نی تر قبوڵ بکه‌ن ئه‌وا شارێکی وه‌ک سلێمانی به هیچ جۆرێک رێگه نایات که هیچ لایه‌نێک پێ خوار دابنێ که ئه‌مه‌ش مه‌ترسی بۆ داهاتوی پارتی ئه‌بێ له کوردستاندا، من وه‌ک خوێنکارێکی زانکۆ ئه‌م بارودۆخه‌ی ئێستا به مه‌ترسی بۆ سه‌ر خۆم دا ئه‌نێم و به جۆرێک هیچ کات قبوڵ ناکه‌م هاوپیشه‌کانم بکه‌ونه ژێر مه‌ترسی لایه‌نێک و مه‌ترسی مه‌رگیان له‌سه‌ر بێت چونکه بونی سیاسه‌تێکی وا له کوردستاندا به‌ره‌و داخستی ده‌می گه‌نجان و ڕه‌شبینیمان ئه‌با بۆیه ئێمه‌ی گه‌نج ئه‌بێ به هه‌موو جۆرێک ئه‌م کارانه ڕه‌ت بکه‌ینه‌وه و وه داواش له خه‌لکی پایته‌خته‌که‌مان ئه‌که‌ین(که وه‌ک گه‌نجێک له سلێمانی) هه‌ڵویستی خۆیان وه‌رگرن و چیتر خۆیان نه‌که‌نه خزمه‌ت کاری بنه‌ماڵه‌یه‌ک که گه‌نجی شاره‌که‌یان و کوڕی شاره‌کایان شه‌هید بکات له‌سه‌ر ئه‌وه‌ی که قه‌ڵه‌مه‌کی ئازاده و بێجگه له ڕاستی هیچ شتێکی تر نانوسێ هه‌زار سڵاو بۆ گیانی کاکه سه‌رده‌شت و کاکه سۆران دڵنیابه که ناوتان له بیر ناکه‌ین.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەتی دیکە
بابەتە پڕبینراوەکان
