داگیركرنا عوسمانیا ڤەگەریا ڤە !!!

بێ گومان ئەڤ سەردەمێ نهو ئەم تێدا دژین ب هەمی بواران ڤە هاتیە گوهرین ل دویڤ پێشكەفتنا بلەز یا نهو ئەم تێدا د بورین .. ئەگەر ئەم لاپەرێن دیروكێ ڤەدەین و ڤەكولین دێ بینین كو رەژهەلاتا ناڤین چەندین سەردەمێن جودا جور دەربازكرینە لێ سەردەمێ پتر ژ هەمیا ڤەكێشای سەردەمێ داگیركرنا عوسمانیا یە بو ڤان وەلاتێن روژهەلاتی .. هەژی گوتنێ یە كو ئەڤ وەلاتێن روژهەلاتی چەندین قوناغێن بزەحمەت ژ بو نەهێلانا ڤێ داگیركرنێ لێ روژ بو روژێ چارچوڤێ ڤێ دەولەتێ بەرفرەه بوو تاكو هەمی وەلاتێن دەوروبەرێن خو داگیركرین و هەمی وەلاتێن هەڤسوو كەفتینە ژێر كونترول و خزمەتا ڤێ ئیمبراتوریەتێ .
سەرەرای هوكارێن نێگەتیڤ یێن داگیركرنێ لێ هوكارێن پوزەتیڤ ژی هەنە ژوان هوكارێن پوزەتیڤ ئەوە شارەزابوون و تێكهەلبوونا چاند و كەلتوران و گەلەكێن دی ، بێ گومان دەولەتا عوسمانی ئەڤ چەندە ب گرنگی ڤە وەرگرت بو پاشە روژا بهێت لێ خەونا وێ بجه نەهات ، ب ئەگەرێ ژ ناڤبرنا ڤێ دەولەتێ و هاتنا (كەمال ئەتاتورك) سیاسەتا توركیا ب رەه و ریشال ڤە هاتیە گوهرین و زاراڤێ داگیركرنا بەرێ هاتە گوهرین و سیاسەتێ جهێ خو گرت ..
دا بزڤرینە بابەتێ خو و پشتی مە لسەری دیاری كو داگیركرنێ شێوازێ خو یێ گوهری دگەل گوهرینا بلەز یا زانست و تیكنولوجیایێ ، ئەو ژی شێوازێ مەدیا و راگەهاندنێ یە و هەولدایە پێكولێ بكەت كارتێكرنێ لسەر دەزگەهێن راگەهاندنێن عەرەبی و كوردی بكەت دا مەسجا خو بگەهینیت وەكی وێ بڤیت ، چونكی تێلەفزیون و سەتەلایت د هەمی مالاندا دبەر بەلاڤن و دشێن كارتێكرنێ بساناهی ل سەر مێشكێ گەنجان و زاروكان بكەن ، و براستی سەركەفتن د پەیاما خودا ئینایە تا رادەكێ و شیایە بگەهنە ئارمانجێن بخو تەرخانكرین ب ساناهیترین رێك ، و رولێ گەلێن روژهەلات (كورد ، عەرەب) رولێ تەماشەكەرانە نە كێم نە زێدە ..
هەژی گوتنێ یە كو ئەڤ رەوشت و تیتالە یێن ناڤ زنجیرێن توركی یێن دوبلاژ كری دا هەین دویرن ژ دورهێلا توركی وەك گەل ، لێ مەسجا وان دهندێ رایە كو هەول ددەن خو ب ستایلەكێ ئەورپی پێشان ددەن چونكی گەلێ توركی وەكی یا خویا مینا هەر گەلەكێ موسلمان رەوشت و تیتالێن بتایبەت بخوڤە هەنە لێ نە بەروڤاژی ئیسلامێ .. چونكی وەكی یا دیار هەر گەلەكێ لبن سیبەرا ئیسلامێ بهێتە سەپادن دڤیت ژ هندەك توخیبان نە دەركەڤیت و هیچ ب رەنگەكێ پروپاكندێ بو وان كێشێن نە یێن ئەخلاقی كو هیچ ئولەك ژ ئولێن جیهانێ سەر سورمان نەبیت ب ڤان دیمەنان ، مەبەستا من ب وان كێشێن نە ئەخلاقی ژی ئەوە مینا (حەژێكرنا زەلامی بو بیكا خو ، یان دوو گیان بوونا ژنێ دگەل برایێ زەلامێ خو ، یان پێكولا ژنێ كو خوبدەتە بەردان و بگەهیتە یاركێ خو ، ........... هتد) براستی ئەڤ دیمەنە نەشرین ترین دیمەنن كو مروڤ دبینیت و هەژی گوتنێ یە ئەڤ دیمەنە د فیلمێت ئەمریكی دا نینن بو زانین وەلاتێن ئێكگرتیێن ئەمریكا ماكا (ئەسلێ) ڤان جورە كێشانە .
دەما درامایا توركی سەركەفتن ئینای د مەرەما خودا یا مەدیایی ، ئەڤە بو وێ بو پالدەرەك كو بڤان رێكا سەرەدەریێ دگەل كێشا كوردی بكەت و دیاركەت بو جیهانێ كو گەلێ كورد ل توركیا گەلەكە تێكدانا رەوشا سیاسی ل توركیا و هەلدانا كێشان بخو ب ئارەزو دزانیت ، هەژی گوتنێ یە كو ئێك ژ زنجیرێن توركی یێن دوبلاژكری بو زمانی عەرەبی ناڤەروكا وێ لسەر ڤان كێشایە كو بو جیهانێ د دەتە بەرچاڤ كو گەلێ تورك گەلەكێ ئاشتی خازە و چاكی بو هەمی گەلێن هەڤسوو دڤێت هەروەسا دیاردكەت كو ئەڤ رویدان و ئاریشێن ل وەلاتێ وان دبن ئەگەرێ هەرە سەرەكی گەلێ (كوردە) و كوردان ب گەلەكێ دویر ژ ئیسلامێ دەتە پێش چاڤ و كوشتن و ل دەف وان ژ قورتا ئاڤێ ئاسان ترە ......... هتد .
بێ گومان ئەگەر ئەم پیچەك ل دیروكێ بزڤرین و تماشەی لاپەرێن وێ بكەین دێ بومە بەروڤاژی ڤێ چەندێ دیاربیت چونكی كوشتن ل دەف مە كوردا تشتەكێ زورێ مەزنە و هیچ جارەكێ مە هەولنەدایە كوشتنێ بكاربینین بو چارەسەركرنا كێشان هندی رێكێن ئاشتیانە هەبن ، هەمی دەما كوردان خو ب گەلەكێ تەپەسەر دیتیە و هیچ جارەكێ زولم ل كەسێ نەكریە و ئەگەر دەست دابیتە چەكی رامان ئەوە كو هیچ رێكەك فایدە نەكریە .
و ل دوماهیێ من دڤیت دیاركەم كو داگیركرن نە بتنێ ب رێكا توپ و تەیارایە و ژ ناڤبرنا دەستهەلاتایە لێ شێوازێن داگیركرنێ دهینە گوهرین ل دویڤ پێشكەفتنا زانست و زانینێ ... و ئەڤ نموونێن من دیاركرین باشترین بەلگەنە لسەر ئاخفتنا من

[email protected]