دۆستەكانی سەركردایەتی حزبی شیوعی گەورە ترین دوژمنی ئەو حزبەن

سەركردایەتی ئیستای حزبی شیوعی لەبەر كەم ئەزموونی ، یاخود باشترە بلێین بۆ پاراستنی بەرژەوەندی تاكە كەسی خۆیان دوژمن و دۆستی خۆیان لێ وون بووە، سەركردایەتی حزب لەگەڵ رێز و ستایشم بۆ هەندێكیان بەرژەوەندی خۆیان وا دەست پێوە گرتووە كە مەحاڵە وەسف بكرێت. كاتێك داویان لێدەكرێت كە هەلوێستێك وەر بگرن بەرامبەر بە دەسەڵات یاخود هەر بابەتێكی گرنگی پێویست وەك گەندەلی سیاسی یان..........هتد . زوو دەم كوتت دەكەن و دەڵین هاوڕێ نەكەی كەی ئێستا كاتی ئەو جۆرە مەسەلانەیە ، دەلێن ئێستا ئێمە لە قۆناغی رزگاری نیشتمانیداین پێویستیمان بە هەموو لایەنێكە و گرێدراوین بە حزبە كوردیە هاوپەیمانەكانمان بە تایبەتی پارتی و یەكێتی ، من دەزانم لەم قۆناغەدا پێویستیمان بە هەمووان هەیە بەڵام هەرگیز باوەر ناكەم حزب لەبەر ئەم قۆناغە هەستیارەى بێت بەڵكو تەنیا و تەنیا لەبەر بەرژەوەندی تاكە كەسی خۆیانە نە بادە امتیازاتی دەسەلاتیان لێببرَدرێت .
ئەو دۆستانەى كە سەركردایەتی حزب باوەری وایە كە باشترین دۆستی ئەو حزبەن بە كردەوە سەلماندیان كە گەورەترین دوژمنی ئەو حزبەن مێژووی دوور و درێژی دۆستایەتی حزب و پارتی و یەكێتی ئەم راستیە دەسەلمێنن كە هە ردەم درێغیان نەكردووە لە لاواز كردن و دژیایەتی ئەو حزبە ، بەڵام بەداخەوە سەركردایەتی ئەم حزبە لە هەموو كەس ئەم راستیانە بە باشترو ڕوون تر دەزانێت كەچی بەبەردەوامی داكۆكی كاری ئەو دوو حزبەی دەسەڵاتە .
دەسەڵاتدارانیش هیچ كاتێك كەمتەرخەمیان نەكردووە لە دژیایەتی ئەو حزبە ، باشترین دژیایەتی كردنی ئێستای حزبی دەسەڵات دژیایەتی كردنی ئەندامان و كادیرانی خوارەوەى ئەم حزبەیە كە لەبەر دلسۆزی خۆیان لە هەموو مافێكی ئاسایی خۆیان بێبەش بوونە . ئەو مافە سەرەتاییانەی كە دەبێت دەسەڵات بۆیان دابین بكات بێ بەشكراون تەنها لەبەر ئەوەى كە شیوعین دلسوزی رێبازەكەیانن ، بۆ راستی و پشت راست كردنەوەى قسەكانیشم دەتوانن لە خودی كادیرە دلسۆزەكانی ناو حزب بپرسن كە بە هۆی بێ هەڵوێستی سەركردایەتی حزب ئیستا لە ماڵەكانیان دانیشتوون لە دوورە چاودێری باری سیاسی و كوردستان دەكەن .