ئەو تەڵەیەى هاورێ على روسى كەوتە داوى ...

پێم وایە لە خەباتى بێ وچانى مێژووى بزوتنەوەى نیشتمانى عێراق سەرەتا حزبى شیوعى عێراق پاشانیش حزبى شیوعى كوردستان زۆرترین جیابوونەوە و ئینشاقاتى بە خۆوە بینیوە , مێژووش پێمان دەڵێ هیچ كام لەم ئینشقاقات و جیابونەوانە نیشانى خۆیان نەپێكاوە بە واتایەك نەیان توانیوە لە پاشا ببن بە ژمارەیەك تا كۆمەڵانى خەڵكى عێراق و كوردستان پشتیان پێوە ببەستێت , وەك هەموو لایەك دەزانن حزبى شیوعى كوردستان هەر لە پاش راپەرین تا ئێستاش بەهۆى كۆمەڵێ هۆكار رۆژ لە دواى رۆژ بەرەو لاواز بوون دەچێت ئەنجامى هەڵبژاردنەكانى ئەم دوایەش زێدە تر هێزو تواناى لە نێو كۆمەڵانى خەڵكى كوردستان دەرخست هەر بۆیەش ئەم شكستە نارەزایەكى زۆرى لەنێو رێكخستنەكانى حزب دروست كرد كە تا ئێستاش لەم لاو لەم لا باس لە چاكسازى و كۆمەڵێ جموجۆلى بەناو گۆرانكارى دەكرێت .
من وەك كادیرێكى حزب لە سنورى گەرمیان شەرفى ئەوەم پێبەخشرا هاوشانى هاورێ عەلى روسى و كۆمەڵێ كادیرى تر لە دەڤەرە جیاجیاكانى كوردستان و رێكخستەنەكانى حزب لە دەرەوە دەست پێشخەرى زۆر بخەینە بەردەم سەركردایەتى حزب كە بەراى من پەلەكردن و بێ بەرنامەى لە كارەكانمان و نەبوونى كەسایەتى كارێزما لەناو جموجۆلەكانمان هۆكارێكى هەرە گرینگى ئیفلیج بوونى كارەكانمان بوو , هەرچەندە هاورێ عەلى روسى هاوشانى كۆمەڵێ كادیرى حزب رۆڵێكى جوامیرانەیان گێرا بۆ ئەوەى قیادەى حزب بیر لە مێژووى پر شكۆى خۆى بكات و هەیبەت و سەروەریەكانى حزب دووبارەبكاتەوە, بۆیە هاورێ عەلى روسى لە هەموومان زیاتر بوو بە قوربانى ئەو پەلەكردنەى كە لە سەرەوە باسم كرد هەربۆیەش قیادەى حزب لە پێش هەموومان زیاتر بەرۆكى هاورێ عەلى گرت بۆیەش وەك دەڵێن ئێستا قیادەى حزب لە بەرنامەى دایە تەنها هاورێ عەلى لە حزب بەیەكجارى دەربكات , سەرئەنجام من پێم وایە هاورێ عەلى بوو بە قوربانى هەموو هۆكارەكەش بۆ هەندێ لەم كادیرانەى حزبى شیوعى دەگەرێنمەوە كە حەیدەر فەیلى و كەمال شاكر وەك چاوساغ لەسەر جموجۆلەكانى هاورێ عەلى دایان نابوون چونكە ئەوەمان بیر نەچێت زۆر لەوان قسەى زۆر گەورەیان كرد كەچى ئێستا هیچ كام لەوان ئامادەنین باجى ئەو پەلەپەل كردن و قسە گەورانە بدەن ...