کەرکوك
08/06/2019, 10:34 (GMT+1)
کەرکوك ڕەشی مەپۆشە
دڵمان بۆت بە پەرۆشە
هەڵسە تەکانێ بدە
با پێت نەڵێن نەخۆشە
دڵنیام ناکەوی بەچۆك
بە ئاگر خۆت بپۆشە
لەسەنگەری ڕزگاری
بە مەردی تێ بکۆشە
دڵی ناحەزو دوژمن
هەر بە خوێن بیاندۆشە
لە جیاتی نەوت و فوسفۆر
زووخاویان پێ بنۆشە
ئێمە بە تۆ سەر بەرزین
چاو ڕوومان بەتۆ خۆشە
وەک سەرۆك و بەرپرسان
کەڕامەتت مەفرۆشە
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا نووسەرەکەی بەرپرسیارە، نەک کوردستانپۆست
بابەت:
گشتی
بابەتی دیکە
بابەتە پڕبینراوەکان
