یەکێتی و گۆران ئاگری ئەو کۆدەتا یاسایەی پارتیان بەردەکەوێت

راگەیاندنە چەواشەکاریەکەی لیژنەی لێکۆلینەوە لەتیرۆی شەهیدی قەلەم سەردەشت عوسمان کە سەردەشت سەربە ئەنساری ئیسلام بوە وهەندی کاری بۆ جێ بەجی نەکردون بۆیە تیرۆر کراوە . ئەم گالتە جاریەی پارتی زەنگێکی خەتەرناکە لەسەر ئەزمونی هەرێمی کوردستان کەخراپ لەکەداری دەکات ، هەروەها تاکی کوردی سەدبارە ئاسا بێهومێد دەکات کە حزبی کوردی بەرەو حزبی یاسا و دادگا ناڕۆن . وە ئەگەر ئەم سیناریۆیە مەترسیدارەی پارتی تێپەڕیت ئەوا سبەی هەر کەسێکی نەیار یان رەخنەگرێکی جدی پارتی رەخنەی لێ بگرێت ، ئەوا بەڕێگای دادگا دەیکاتە (دز ، تیرۆریست ، پیاوی میت وئیتلاعات ، مرۆڤ کوژ ...... بەواتای بە دادگا ویاسا تاوان و ناپاکی دەکات کە زۆر مەترسیدارترە لە ناپاکی ٣١ی ئاب . چونکە سبەی لەململانێی سیاسی لەگەل یەکێتی کەزیاتر بێت ، ئەوا بەڕێگای یاسا (وەزارەتی ناوخۆ) کەلەبەردەستیتی مۆلەتی یاسایی لەیەکێتی نیشتمانی وەک حزب لێ وەردەگرتەوە ، کۆسرەت رەسول بەو تۆمەتەی بۆ دروستکردوە کە دەستی لەتەقینەوەی زاخۆ هەیە ،دەیداتە دادگا ، نەوشیروان مستەفا بەهۆی دەیان چیرۆکی جۆراو جۆر هەر پشت ئاشان و قرناقاوە تا تیرۆری کەسانیتر دەداتە دادگا . رۆژنامە و سەرنوسەرەکانی ئاوێنەو هاولاتی و رۆژنامە و لڤین بداتە دادگا کەسەر بە قاعیدەن و هەولی تەقینەوەی ...داوە

ئەگەر ئەو رەفتارە بۆپارتی بێ وەلامدانەوەی توند بچیتە سەر ، باکەس دلنیانەبێت لەخۆی هاکا تۆمەتێکی قێزەوەن و ناپاکیان خستە گەردەنی دەنگە رەخنەگرەکان ، کەئەگەر وا لەگەل شەهید سەردەشت بکەن کەئەو هاوسۆزیە جیهانی وناوخۆیەی هەیە کو لەبەرامبەر هەردەنگێکی رەخنەگرتنی تر نایکات بەتایبەتی کەدەرگای بۆ واڵا بکرێت وەک میدیای یەکێتی بۆی دەکەن ئێستا . ئەوەی لەهەموی قەشمەرترە ، کاوە مەحمود کەوەزیری ڕۆشنبیریشە لەپێناوی خۆشەویستی کورسیەکەی و ملیۆن دینارەکەی ، بیروباوەرو قسەکانی هەراج کرد کە ئەو لێژنەیە تەعبیر لەحکومەتیش دەکات لەوەختێکدا چەند کاتژمێر پێشوو تر رای گەیاندبوو کەئاگایان لەهیچ نیە بەمەش بۆ میژوو بەشدار بون لەو تاوانەی پارتی کردی و بەرهەم سالحیش پشتگیری کرد ، کەنازانم چۆن شەرم نایگرێت بەناوی حکومەتەوە پشتگیری لە شتێک دەکەن خۆیان وتەنی ئاگایان لەهیچ نیە
دەهۆل کۆتانی راگەیاندنی یەکێتی بۆ ئەولیژنەیە و بێدەنگی و کروزانەوەی راگەیاندنی گۆران لەبەرامبەر ئەو کۆدەتا یاسایەی پارتی ، سبەی بەو ئاگرەوە ئەوانیش دەسوتێنێ ، تەنیا ئەگەر وتە و هەلوێستەکانیان بکەنە بەڵی ئەزبەنی . رەنگ بیت بلێن نا ناگاتە ئەو ئاستە ، ئەوا دیتمان سەرەدشتی فیکری علمانی پارتی کردیە ئیرهابی . ئاخر پارتی حوشترە هێلکەش دەکات