ببورە به‌ناڤ سه‌رۆکی هه‌رێم..

هەر چەندە تە نەڤێت کو کەس باسێ مێرخاسی وچەلەنگی ێت تە یێن دیرو ودرێژێن شەرێ کورد کوژیێ د مێژویا ژیێ تە دا بکەن لێ ب هزرا من دەم بو وێ ئێکێ یێ هاتی کومروڤێ کورد ئێدی پێنڤێسێ خو د خزمەتا گەلێ کورد و بودیروکێ بەدەتە کاری هەمی راستی و درستیا بکەتە خو دیکەک و دانیتە بەر چاڤێن مروڤایەتیێ و دیروکێ ،یێ غەدرو و خیانەت ل گەلێ کورد، ئەوێ کو هندی هەی وهەتا نها بەردەواه دبن تەپە سەر کرنێ و زولم وزورداریێ دا ژیێ خو دەرباز دکەت، کری بلا نەڤەشێرن وئاشکرا بکەن وروی ێن وان رەش وشەرمەزاربکەن بو دیروکێ . یێن کو روژەکێ ژ روژان ژی خزمەت وفیداکاری بو ب دەست ڤە ئینانا ماڤێن گەلێ خو کری هەم دیسان ناڤێ وان بلا ل ب تیپێت زێرین ل بەر پەرێن دیروکێ بنەخشینێن بکەنه نیشان و سومبولا مروڤایەتیێ و کوردایەتیێ و بلا سالێ نەجارکێ چەندین جارا خەلکێن کوردستانێ بچنە سەر مەزارێ وان وب کێلێت وان ڤه ماچی بکەن و ئەگەر یێ ساخ ژی بیت بلا مینا پاپایێ واتیکانێ خەلک تەوافا وان بکەن ب سەرو گورێن وان سویند بخون و نەزرا بو بدەن .لێ ب هزرامن هەر کارەکێ بروڤاژی راستیێ ژ لایێ کەسێن بەرژەوەند پەرەست و بناڤ نڤێسەرو وروژنامەڤان بهێتە ئەنجام دان یان ئەنجام دابیت بێ گومان دێ زوی هێنە ئاشکرا کرن و دی ژیێ نڤێسین وگوتنێت وان گەلەک یێ کێم بیت و زوی دێ کەڤنە د زبلدانا میژویی دا ژبەر کو ئەڤروکە کورێن کوردستانێ ژ هەمی دەما پتر وبێ هێرڤە ووێڤه د ئاستەکێ باشێ هشیار بونێ دانه و ب د‌هان ژ گەنجێت مە ، مژولی خاندن وڤەکولینێن دیروکی نە ل باشترین زانکویێن ناڤدارێن جیهانێ ،کو ب کێمترین زەحمەت وبێ ئاریشە کارو کریارێن کەسێ لبەر ناهێنە ڤەشارتن هەمی راستی و نەراستی یا دێ ئاشکرا کەن وپەردە دیێل سەر گەلەک نهێنیان هێنە هاڤێتن ،گەلەک مەزارو مەرقەدێن شێخا دێ دەرکەڤن ڤالاو بێ بــــــــها وگەلەک گورێن بێ کێلی وبێ ناڤ ژی دێ بنە مەزارو پەریستگەهـ و خەلک دی قەست کەتێ هەر وەکی بەری چەند روژەکان جنابێ  به‌ناڤ سەروکی ب پاراستن وپارتیا خو ڤە گەف ل هندەک روژنامەڤانان کرن کو هندەک ل سەرملا مستەفای نڤێسی بون لێ ترسێ خول لێڤا مام جلال دا ، نە کو مسعود ژێ تورە ببیت لبەر هندێ دەمل دەست هاتو ل سەر پەرتوک وئاخڤتنێت خو داخویا نی دانە میدیا دا ئاڤەکێ ب وی ئاگرێ دا بکەت یێ وی هەلکری و شیا ژی هەتا رادەیەکی مسعود رازی بکەت و لەوما ب هزرا من هندەک کارێن پێتڤی هەنە کو واجبە ل سەر ملێت نڤێسەرو هونەرمەند ێن کورد رێکخراوێن جەماوەری کو دڤێت هەول ژ بو جێ بە جێ کرنا وان بهێتە دان کو هەرو هەر دساخ و لبەر چاڤ بن دا کو نڤشێ بهێت نەعلەتــــا ل مە نەکەت و دیروکا خو باش بزانن ئەڤ خالێن کو ل خاری دەست نیشان دکەم ئێک ژ کارێن زور گرنگن کو دڤێت هەول بو بهێتە دان ژبەر کو پاراستنا بەلگەنامێن دیروکی ل کوردستانێ نە کارەکێ ئاسانە.
١-پێتڤی یە کو روژەک بهێتە دەست نیشان کرن بناڤێ روژا شەهیدێن شەرێ برا کوژیێ و هەر سال جارەکێ خەلکێ کوردستانێ د ڤێ روژێ دا رێپیڤانان بکەن و هەمی بیرەوەرێن ئەڤان روژان ب رێکا میدیا و کەنالێن تی ڤی بو خەلکێن کوردستانێ بهێنە راگەهاندن(هەر چەندە کو دڤێت روژەک بهێت کو بکەرێن ئەوان شەران بهێنە دادگەهی کرن لێ هەتا روژ لێ دهێت دڤێت مە هەدارا نوح پێغەمبەر هەبیت لێ باوەریا مە ب کورێن کوردستانێ هەیە کو بزاڤ بو دهێنە کرن).
٢-سینەما کارێن کورد دڤێت هول بدەن کو فلمەکێ سینەمای ل سەر شەرێن برا کوژیێ چیکەن کو ببیتە دیکومینتەکێ جیهانی وهەمی خەلکێن دنیایێ ببینن و بزانن کو ل وەلاتێ مە هێشتا تاوان بار وکوژەکێن خەلکێ بێگوناهـ سەروک و سەروک کومارن.
٣- دڤێت هەول بهێتە دان کو ناڤ و وێنێت هەمی وان شەهیدێن کو ب دەستێت مسعود وجلال هاتینە کوشتن ل دەرگەهێن سنورێ کوردستانێ مینا زاخو ـ ابراهیم خلیل و جهێن دی یێن سنوری بهێنە هەلاویستن دا هەر کەسێ بهێتە کوردستانێ دیروکا سەروکێن مه بزانن.
٤- ئەگەر ئەمکان بیت گورێن هەمیا ل جهەکی کوم ببن و مینومینتەک بو بهێتە ساز دان مینا شەهیدێن ١ی شوباتێ وبارزانیا و..... هتد،و باشە ئەو دەڤەر ژی بناڤێ وان بهێتە ناڤ کرن، و دەفتەرەکا تایبەت بو نڤێسینا بیرەوەرێن ئەوان روژان ل ژورەکا تایبەت و بێ ترس و سانسور بهێتە دان کو خەلک بێ بیم بیرە‌وە‌رێن شەری کورد کوژیێ تێدا بنڤێسن.
٥- هیمایەکێ تایبەت ژ لایێ شیوەکارێن کوردستانی بهێتە دروست کرن کومینا ئالایەکی ل هەمی بیرەوەرێن نەتەوەی ل گەل ئالایێ کوردستانێ بهێتە بلند کرن ل هەمی ئەو دەڤەرێن بناڤ و دەنگێت کو گەلەک کورین کورد هاتینە کوشتن مینا (کەپکێ حەمە ئاغای، سەرێ سەفینی کەس نزان ،کانی قرژالێ و .......هتد) ب بەردەوامی یێ بلند کری بیت.
٦-زور یا گرنگە کو هەر سال ل بیرەوەرێن یا وێ روژێ پێنج خولەکا بو بیرهاتنا شەهیدێن براکوژیێ ل سەرانسەر کوردستانێ راوەستین.
هەرچەندە جێ بەجێ کرنا ڤان خالان کارەکێ زور یێ قورسە ژ بەر کو دگەلەک چاڤ پێکەڤتنێت جنابێ سەروکی دا ب ئاشکەرا داخازا بەرزە کرنا ئەڤان تاوانا دکەت و ناخازیت کەس باسێ ئەوان روژا بکەت ب مەرەما هندێ ، کو نڤـــــشێن بهێت چ ژ ڤان تاوانا نەزانن، لێ بەروڤاژی بەرزە کرن و ڤەشارتنا ڤان تاوانا ب هزرا من تاوانەکا مەزنترە کو هەر کەسێ هەولا ڤەشارتنا وان بدەت ئەو ژی تاوانبارە.ل داویێ بلا ئەم ژبیر نەکەین کو سەدام سەرا مروڤ کوشتنێ پشتی ٣٥سالان هاتە سێدارەدان،اسلوبودان میلوسوویچ ێ ٦٢ سالی سەروک کومارێ بەرێ یێ یوگوسلاڤیا د زیندانێ دا مر کو ب ٦٠ تاوانان ژ لایێ دادگەها لاهای ڤە هاتبو تومەت بار کرن کو ب هزاران کەس ل بوسنیا و کوسوڤو ب فەرمانا وی هاتبو نە کوشتن.عمر بشیر سەروکێ سودان ژ لایێ دادگەها لاهای ڤە یێ خاستی یە و ب دەهان کەسێن دی ناڤێن وان د ناڤا لیستێن رەشێن مروڤ کوشتنێ و تاوانێن دژی مروڤایەتیێ دانە ئەم باوەرین کو هەر کەسێ دژی گەلێ مە ژی تاوان ئەنجام دا بن دێ روژەک بو وان ژی هەبیت.