دكتۆر ئالان بەڕێوبەرى گشتى تەندروستى و تاوانێكى گەورە دژ بە خەڵكى هەڵەبجە

فەزاعەتى بوارى تەندروستى لە سنورى بەڕێوبەرایەتى گشتى تەندروستى شارەزوور كە ئێستا ئالان عەبدوڵا بەرپرسە لێى ئەوەندە زۆرە لەباس كردن نایەت,ئێوە چاوەڕوانبن هەر جارەى باس لە فەزاعەتێكى بوارى تەندروستى دەكەم لە سنورى دەسەڵاتى بەڕێوبەرایەتیەكەى جەنابى دكتۆر ئالان.
1-دەوام نەكردنى دكتۆر بە پێى یاساو ڕێگە پێدانیان لەلایەن دكتۆر ئالانەوە تاوانێكە و هیچى كەمتر نییە لە تاوانى كوشتنى خەڵك و ئیهمالكردن و حساب نەكردن بۆ ژیان و گیانى نەخۆشەكانى هەڵەبجە كە لە داهاتوودا بە ووردەكاریەوە باس لەو فەزاعەت گەورەیە دەكەم كە چۆن بەڕێوبەرى گشتى دەستى هەیە لە تاوان و ئیهمالكردنى منداڵانى هەڵەبجە ئێوە چاوەڕوان بن لەماوەیەكى نزیكدا بانگهێشتان دەكەم كە لەناو بازاڕى هەڵەبجەدا بە سینەما ڤیژن هاوارو ناڵەى منداڵانى ئەو شارەتان دەخەمە بەرچاو كە لەبەر بێ دكتۆرى دەگرین و هیچ كەس نییە چارەسەریان بكات و خەمێكیان بخوات ئەوەش لە ئەنجامى ئەوەى كە دكتۆر ئالان بەڕێوبەرى گشتى بە میزاجى خۆى و لەبەر دڵى هاوپیشەكانى دەوام بۆ دكتۆرەكان دادەنێت نەك بە پێێ یاسا.
2-فەزاعەتێكیترى گەورەى بوارى تەندروستى ئەوە كە كارمەندى بەشى كیمیا شەو لە خەفەریاتدا دادەنرێت و فەحسى بەشەكانیترى (هیماتۆلۆجى ,پاراسایتۆلۆجى,و تەواوى بەشەكانیتر)دەكات كە ئەم كارە تاوانێكە پێش هەموو كەس دەبێت ئالان عەبدوڵاى بەرێوبەرى گشتى تەندروستى شارەزوور و ئەوانەى دەستیان هەیە لەو تاوانەدا لێپرسینەوەى لەگەڵدا بكرێت.
من لێرەوە وەك شارەزایەك كە دەرچووى (بەشى بایۆلۆجى)م و لەو بوارەدا شارەزایم هەیە خەڵكى هەڵەبجە ئاگادار دەكەمەوە ئەمە تاوانە لەبەرامبەر ئێوەدا دەكرێت پێویستە لەسەرتان بەڕێوبەرى گشتى تەندروستى شارەزوور ڕاپێچى بەردەمى پەیكەرەكەى عومەر خاوەر بكەن و لیچپرسینەوەى لەگەڵدا بكەن ,من ئەمەێت لە ڕوووى یاساى ئەخلاقى مهەنیەوە ئەوەتان بۆ ڕوون بكەمەوە كە بەهیچ شێوەیەك ڕێگە نادرێت كەسێكى دەرچووى بەشى كیمیا دەست وەربداتە فەحسى بەشەكانیتر ئەمە تاوانە و دەبێت ئەوانەى بەرپرسن لێى دادگایبكرێن چونكە ئەمە یاریكردنە بە ژیان خەڵكى هەڵەبجە و نەخۆشەكانی ئەو شارە .
-هەڵەبجەى شەهید
[email protected]