عارف ڕشدی ژ عەریف عاشا بو جندی بوقی ..

كونگرەیا ئێكەتی نیشتمانی یا ن یا جەلالیا ژ 2010/6/1 برێڤە چو تا 2010/6/12، یا بسەركەفتی بو بێی قەرقەشە و تەشقەلە بدوماهی هات، جەلال ژ سالا 1975 تا نوكە قائید زرورەیە و نە كەس دسەڕایە و نەكەس دبەڕایە و جهێ وی یێ پاوان كریە و قەیدی ناكەت یێ پیر بیت یان یێ نەساخ بیت یان نەشێت بڕێڤە بچیت، هندی چاڤێت وی بزلقوتن و لێڤێت وی بلڤن دێ هەر ئەو بیت، ڤێ جارێ ژی مالا خودێ ئاڤا دیسان هەر دەركەفت و بو یێ ئێكێ 99.99% دەنگ ئیناندن، دەنگەك بتنێ مابو ببیتە سەد ژسەدێ ئەو ژی دەنگێ وی بو و دەنگ نەدا خو چونكی نەدڤیا و دل لسەر نە بو ببیت سەركردە یان سەكرتێر یان سەروكێ
ئێكەتیێ ژبەر هندێ 100% دەنگ نەئیناندن.
قەلەندەر عارف ڕشدی ئەندامێ سەركردایەتیا ئێكەتیێ بو و جارەكادی دڤیا ببیت سەركردە بەلێ كەسێ دەنگ نەدایێ و دەنگەك بتنێ ئینا ئەو ژی دەنگێ وی بخو بو ودیسان وی گەلەك خەلكێ زاخو ژی لگەل خو نەبربون كونگرێ دا دەنگی بدەنێ ژبەرهندێ نەدەركەفت، وی وەسا هزر دكر كو ئێكەتی ئێكەتیا سالێت حەفتیێ و هەشتیێ نە و پارتەكە یا بهزرو بیرێت نەتەوی و چینایەتی ڤە ئاڤاكریە، نە دزانی كو ئێكەتی یابویە كومەكا كەسێت بەرژەوەندخاز و كەس و خزمێت خو یێت لخو كومرین و پارە و پارچێت عەردی و پلێت دەسەلاتێ و پارتایەتیێ لسەر خو خزمێت خو لێكڤە دكەن، عارفێ دامای و
شەرپرزە نەشیا جەماوەرێ دەڤەرا زاخو لخو كوم بكەت، بەلێ ماتو نەدشیای ناڤێ خو بكەیە شێخ عارف یان مەلا عارف، بەرێخوبدێ شێخ جەعفەر بەرزنجی دەركەفت چونكی شێخ بو و بەرزنجی لگەل خو بربون كونگرێ و ژبەرهندێ دەنگ ئیناندن و قەیدی ناكەت كو شێخ جەعفەر دەرچویێ پێنجی سەرەتایی بیت و تو دەرچویێ پەیمانگەها دەرمانسازی بی، مەلا بەختیار مەلا بو خەلكێ خانەقین لگەل خو ئینا بو كونگرێ و وی خەلكی دەنگ دایێ و دەركەفت و دێ بیتە سەركردە، تە چ ژڤان نەكرن ڕەبەنۆ، لێ جەلال تالەبانی ڕەنگە ڕەحمەكێ بتە و سالار دوسكی ببەت، تە بكەت بەرپرسێ كومیتا زاخو یان
بەرپرسێ كەرتێ دەركارعەجەم و سالار دوسكی بكەت بەرپرسێ كومیتا دهوكێ یان بەرپرسێ كەرتێ مانگێشكێ. ژزار دەڤێ كادرێت پارتیا دگوت لسەردەمێ شەڕێ نافخویی و دەمێ جەلال تالەبانی ژبەر بارزانیا و ڕژێما هەلوەشای دڕەڤی سالا 1996 دبەر ڕەڤا خورا دگوت ئەڤ بادینیێت گەواد بو پارەی ئێكەتینە لێ بو شەڕی بارزانینە، هەرچەندە جەلال تالەبانی گەلەك یێ پیر بوی و مروڤێ پیر گەلەك بێ هش و بیر دبیت بەلێ خودێ نەكەت بیرا وی بهێت ئەگەر دێ هەوە هەردووكا كەتە جندی بوقی.