كونگرەى وەزارەتى تەندروستى و پێگەى كارمەندانى تەندروستى تیایدا

ناوەندى تەندروستى زور لە مێژە ووتراوە (هەزار سال بكەى بێگانە پەرستى لە كۆتاییدا هەر دەهێنى نشوستى)

ئەگەر بە ووردى سەرنج بدەین لە ناوەندى تەندروستى زۆر بە روونى دەبینین كە كارمەندانى تەندروستى تەنها خزمەتكارى چینێكى دیاریكراون كە ئەوانیش چینى دكتۆرەكانە .

لەگەل ئەوەى كارمەندانى تەندروستى 75%ى ناوەندەكە پێك دەهێنن و خاوەنى زۆرینەى ناوەندەكەن و ئەركێكى مرۆڤایەتى گرنگیان لە ئەستۆیە بەڵام بە هەمیشەیى و لە هەموو سەردەمە جیاجیاكاندا و بە تایبەتیش لەسەر دەمى ئەم وەزیرە دڵ پڕ لە كینەیەى كە بەرامبەر كارمەندان هەیەتى و لە سایەى ئەم حوكمە قەرەقوشیەى كە حكومەتە ساواكەى كورد پیادەى دەكات و لە سایەى ئەو سەندیكایەى كە لەسایەى سەرى (جەبار و شیخ حەسەن و شەماڵ و .....) دا كارمەندانیان بە تەواوى كردە ژیر پێى دكتۆر و لە بەرامبەردا ئافەرین یان ئیمتیازاتێكى ماددى نەك مەعنەوى یان وەر گرتووە .

من حەز دەكەم بە كورتییەك باسێكى ئەوانە بخەمە ناو باسەكە و ئاماژە بە هەریەكەیان لە كورتترین نوسراودا بدەم :

وەزیرى تەندروستى : تەنها هەوڵى بۆ ئەوە بووە كە هەورامییەكانى خزمى بخاتە شوێنە هەستیارەكان و پێگەى خۆى لە ناو ناوەندەكەدا قایم بكات و لە هەموو كون و كەلەبەرێكى ئەم ناوەندەوە چاوى تایبەتى هەبێت و بە هەر نرخێكیش بێت و بە هەر رێگەیەك بێك كارمەندى تەندروستى سووك و ریسوا بكات . جگە لەوانەى لە قەومەكەى خۆین و مەبەستیەتى .

ئەوەتە كارمەندێك بە ناوى ( ) لە نەخۆشخانەى مناڵان برى 72 ملیون دینار دەخوات بە شەهادەى تەزویر و تەنها لەبەر ئەوەى هەورامییە هیچ اجرائاتێكى لەگەل ناكرێت و یاسا و پارەش لە خزمەتیدایە .

حكومەتە ساواكە : پاش 20 سال بەسەریدا هیشتا هەر ساوایە رەفیقى ئەو خاوەنى مناڵیشە .

ئەم حكومەتە لە ناو ناوەندەكەدا ئەوەى بە توجیهاتى حیزبى كار نەكات و پاك و بێگەردانە كار بكات زۆر بە زوویى ترۆی دەكات و لەو لاوەش لە كەناڵەكانەوە پرو پاگەندەى ئەوە دەكەن كە حیزب لە حكومەت جیا دەكەنەوە كە تەنها درۆیەكى شەرمەزارییە .

جەبار و شیخ حەسەن و شەماڵ (واتە سەندیكا) لەو رۆژەوەى بوونەتە گەورەى كارمەندان بەرنامەیان بەم شێوەیە بووە :

1 هەر كاتێك بەرژەوەندى شەخسى خۆیان لەق بووبێت بە ناوى كارمەندانەوە بەیاننامەیان دەر كردووە و هەر كە ئەو مەترسییە نەما ئاسایى بوونەتەوە وەكو (مانگرتنە سەرتاسەرییەكەى 2008 و چەندین بەیاننامە لە دژى وەزارەت تازەترینیان ئەو بەیاننامەیە بوو كە رۆژى 30/1 بریار بوو بلاوى بكەنەوە لە دژى كۆنگرەى وەزارەتى تەندروستى)

2- لەسەر حسابى كارمەندان 5 سەیارەیان لە سكرتاریەت وەرگرت و حەپەلووشیان كرد)

3- هەر كات كارمەندیك كارێكى بووبێت بە 2 هۆكار نەبوایە بۆیان نەكردووە

ا- ئەگەر ئەو كارمەندە بریارى نەدابێت كە ببێتە دەروێشى ئەوان ئەوا كارەكەیان پشتگوێ خستووە .

ب- ئەگەر ئەو كارمەندە رەگەزى مێ بووبێ و بەڵێنى بەجێ هێنانى ئارەزووەكانیانى نەدابێ كارەكانى فەرامۆش كراوەو رێگرى بۆ دروستكراوە هەتا بەو هۆیەوە ناچارى بكەن ملكەچ بێت بۆیان .

بۆیە ئیستاش لە كۆنگرەى وەزارەتى تەندروستى كە رۆژى 2/2/2011 دەبەسترێت تەنها ووتەیەك دانەنراوە بۆ كارمەندان و ئەو سەندیكایە و ئەوەى كە هیچ نرخێكى بۆ دانەنراوە تەنها كارمەندى تەندروستى یە .

ئەوەى بە درێژایى كۆنگرە قسەى ئەبێت و تێبینى ئەبێت تەنها دكتۆرە و تەنانەت ئەندازیار ووتەى خۆیى هەیە لە ناو كۆنگرە بەلام ئەو بابەتەى كە لەسەر كارمەندى تەندروستى یە دكتۆرێك راسپێراوە پێشكەشى بكات .

بۆیە من بە راشكاوى بۆ بەرچاو روونى هەموو كارمەندان راى دەگەیەنم كە لەم كۆنگرەشدا كارمەندانى تەندروستى پەراوێز خراون و دیسان بوونەتەوە بە قوربانى مەرامە گڵاوەكانى وەزیرى تەندروستى و سەندیكا خۆ فرۆشەكەى كارمەندان .

دەى كارمەندانى تەندروستى ئیتر بە قسەى باق و بریق مەخەڵەتێن

ئەگەر حكومەتەكەتان رۆڵى ئێوە لەبەر چاو بگرێت وەزارەت و سەندیكا ئاوا ناتوانن بە رۆحتان رابوێرن .

ئەگەر وەزارەت وەزارەتى تەنها دكتۆر نییە و ئێوە 75% ى ناوەندەكەن كوا دەورتان لەو كۆنگرەیەدا ؟؟؟

ئەگەر وەزیرى تەندروستى وەزیرى هەمووتانە چۆن دەتوانێ ئەوە بسەلمێنێ ؟؟؟؟ بەڵام ئەوە تەنها وەزیرى دكتۆرە و دوژمنى كارمەند.

ئەگەر سەندیكاى كارمەندان لە خۆتانە بۆ هەڵوێستى نەبوو لەو پەراوێز خستنەى بە ئاشكرا دیارە ؟؟؟؟ یان وەعدى چەند دۆلارێك دەم كوتى كردوون .

ئەگەر ئێوەش تەنها ئەداتێك نین بەدەست حكومەت و سەندیكا و حیزب و وەزارەتەوە ئیتر پێویست دەكات هەر یەكەو لەلاى خۆیەوە هەڵوێستێكى بوێرانەى هەبێت و بریار بدات چیتر نابێتە دار دەستى كەسانێك كە هەست بە بوونتان ناكات .

[email protected]