‌بناڤ سەرۆكى ئیمزاكر و بەهدینان بێ دەنگە.

زێدەبارى نەرازیبونا هاولاتیان لدەڤەرا سلێمانێى لسەر ئیمزاكرنا یاسایێ خوەنیشاندانێ و گرێدانا كەمپینا (سەرۆك ئیمزا نەكە) بەلێ سەرۆكێ بۆیە (سەرۆك) ئەو یاسایە ئیمزاكر و چ تیبێنەیەك ژى لسەر نەبوو، هەلبەت ئەڤژى پشتى كو پارلەمانا كوردستانێ لدەستپێكا هەیڤا رابورى پرۆژە یاسایێ خوەنیشاندانێ پەسەندكری و بۆ سەروكایەتیا هەریمێ (بناڤ) هنارتین، سەرۆكێ پارتیێ ژى بیێ گوهدانا داخازى و نەرازیبونا هاولاتیێت هەرێما كوردستانێ ئەو یاسایە ئیمزاكر، هەروەكى سەروكێ هەریمەكا دى بیت.
یا جهێ حێبتەیبونێ ئەوە، گەلۆ ما ئەڤ یاسایە بتنێ دەڤەرا سلیمانیێ ڤەدگریت؟ یان سەرۆكێ پارتیێ بتنێ سەرۆكێ هەرێما زەرە؟! تشتەكى سەیرە بۆچى دەڤەرا بەهدینان بەرامبەرى هەر یاسایەكى ئەگەر لدژى هاوڵاتیان ژى بیت بێ دەنگن، وەكى ل دەڤەرا وان شاما شەریف بیت، چاوا ئیرۆ خۆ بێ دەنگ دكەن ددەمەكێ دا ئەڤ یاسایە بچوكترین مافێ وان كو ئەوژى ئازادییە پێشێل دكەت، وەسا دیارە ئازادى لدەڤەرا وان مشەیە و تێربونە ژ ئازادیێ!!
دەڤەرا بەهدینان دەڤەرا عەگید و میرَخاسانە گەلو چما ئیرۆ هین خۆ بێ دەنگ دكەن كو ئازادیا هەوە ژى ژ وە بهێتە ستاندن، مانە بەسە بێ دەنگى! مانە بەسە دزى! مانە بەسە گەندلى! مانە بەسە بێ شەرەفى!! هەتا كەنگێ هینێ بێ دەنگ بن؟ نەفتا هەوە ژبن سەرێ هەوە ددزن وهین دبێژن ئەشهەدوبیلاهـ، بەهدینان ما ئەو دەم نەهاتیە هین ژى دەنگێ خۆ بلند بكەن و بێژن ئێدى بەسە ئەم قەبیل ناكەین ماف و ئازادیا مە بێتە پێشل كرن.
چونكى بێدەنگیا هەوە دى پتر بیتە ئەگەرا بەردەوامیا دزى و گەندەلى و پێشێل كرنا مافێت هەوە و هەمى خەلكێ كوردستانێ، لەوما پتڤییە دیوارێ بێدەنگیێ بهێتە شكاندن.