درۆى سەرۆكەكان و ئەركى داواكارى گشتى ؟!

ئێرە مەملەكەتى درۆیە،سەحراى حەقیقەت و ویژدانە،كەوكەبى بەدرەوشتیى زۆرینەى پیاوە سیاسی و بەرپرسەكانى ئەم دەڤەرەیە،چونكە ئەمانە درۆزن و درۆكار و فریودەر و بێبەڵێنن،لە تەواوى دونیادا درۆ یەكێكە لە رەفتارە بەد و نەخوازراوەكان ،وە لە تەواوى یاسا و رێسا زەمینى و ئاسمانیەكاندا درۆ بە رەوشتێكى قێزەون ورێگە پێنەدراو ناسراوە،وە لێپَچینەوەو سزاى توند بۆ مرۆڤى درۆكار دانراوە،ئەمە جگە لەو نەفرەت وبەكەم سەیركردنەى درۆكار لەلایەن تەواوى كۆمەڵگاوە.بەڵام بەداخەوە كە لەم هەرێمە نەك درۆ وەك تاوان مامەڵەى لەگەڵ ناكرێت ،بەڵكو وەك جۆرێك لە ئازایەتى و سیاسەتكردن تەماشا ئەركرێت،دەگێرنەوە جارێك كابرایەكى نەخوێنەوار لە سەرۆك كۆمارى عێراق جەنابى " مام جەلال "ئەپرسێت و ئەڵێت : قوربان سیاسەت یەعنى چ؟ : فقالە مام جەلال: سیاسەت یەعنى درۆ.ئاشكرایە كە ئامانجى ئەوسیاسەتمەدارە لە پێناسەكردنى سیاسەت بەدرۆ ،تەنها خۆ دەربازكردنیەتى لە و درۆیانى كە رۆژانە لە كەناڵە جیاجیاكانى كارو سیاسەتە ئەیكات و مێژە كردونى،كەس نیە یەك دەرزەن درۆى مام و تەواوى سەرۆكەكانى ئەم هەرێمەى لەیاد نەبێت،رۆژانە زۆر بە روسورى و فەخامەتەوە لە كۆروكۆبونەوەكان و مینبەرو تەواوى دەزگاى راگەیاندنەكانەوە ئەوان دێن و مێشكى ئێمە بە كوروكچ و گەورەو منداڵەوە پرپر ئەكەن لەدرۆ و كەسیش پێیان ناڵێت بەرى چاوتان كلى پێوەیە،هەمیشە پاش كۆبونەوە نهێنیەكان ،بارزانى و تاڵەبانى و تەواوى پیاوە بچكۆلەكانى دەوروبەریان دێنە بەردەم تەلەفیزیونەكان و لە مایكرۆفۆنەكان نزیك دەبنەوەو كۆڵێك درۆمان بۆ ئەكەن و بە كۆمەڵە چەمكێكى وەك (كۆبەنەوەك زۆرباش بەرێوەچو،لوجانى تایبەتمان پێك هێناوە بۆ بەدواداچونى كێشەكان،لەكەش و هەوایەكى ئازاددا،هەنگاوى باشمان بریوە وە دەیان هەزار چەمكى پرئومێد بەڵام لە ناوەرۆكدا پر درۆ) ئەمە جگە لە بەڵێنە پر لەدرۆكانى سەروەختى هەڵبژاردن كە لەبارەى (دابینكردنى خزمەتگوزارى سەرەتاى و بە ڵێنیدان بۆ باشكردنى ژیانى خەڵك لە روى تەندروستى و نان وكار و ئازادیە فەردى و سیاسیەكان وەدیهێنانى خەون و هیواكانى منداڵان و گەنجان و خواستى قوربانیان و تەواوى چین و توێژەكانى كۆمەڵ كە لێرەدا دەرفەتى باسكردنى نیە).
درۆ سەرەكیترین رەوشت یاخود سیفەتى كەسى بەرپرسى ئەم هەرێمەیە، هەر لە سەرۆكى هەرێمەوە تا ئەگاتە تەواوى بەرێوەبەری دەزگاودامەزراوەكان ،خاوەن هەزاران قسەى درۆ و بەڵێنى بێبنەمان.ئەوان درۆزن و خەڵكیش بێدەنگ لە درۆكانیان،وە تەواوى دامەزراوە پەروەردەى وداوەرى و یاسایەكانیش لەسەر ئەم درۆیانە نایەتە دەنگ كە ئەمەیش بۆ خۆى گەورەترین كارەساتە، چونكە بەهۆى بێدەنگى خەڵكەوە ئەوان بۆ هەمیشە بەردەوام ئەبن لەسەر درۆكردن و گوێمان ئەئاخنن بە درۆى جۆراوجۆرو توشى چارەنوسێكى ترسناكمان ئەكەن ،چونكە هیچ كەس و دامەزراوەیەك لەسەر درۆى ئەمانە نایەتە وەڵام و ناتوانێت وە یان ئیرادەى تۆماركردنى سكاڵاى نیە،بەتایبەت كە ئەمە كارى دامەزراوە دادوەرى و یاساییەكانە لەسەرو هەمویانەوە داواكارى گشتى،بەڵام بەداخەوە كە ئەم دەزگایە یان بەشە، خۆى پرە لە كاراكتەرى درۆزن و ترسنۆك و گەندەڵ و بێویژدان ،دەنا بۆ لەسەر ئەو هەموە تاوان و درۆیانەى سەرۆك و پیاوە ئیدارى و سیاسیانە رۆژێك نەبوو سكاڵایەك تۆماركات؟!! خۆ ئەگەر ئەوان تا ئێستا بە خەیاڵ و قسەى خۆیان درۆیان لەو پیاوە شەریفانە نەبیستوە برۆن گوى لە بەرنامە تۆماركراوەكانى سەروەختى هەڵبژاردن تا دەگاتە مەسەلەى لێدوانە برلە درۆ ودژیەكەكانى بەقاچاخ بردنى نەوت بگرن و لەسەر بەڵگە نامە رەشەكانى ئۆپۆزیسیۆن و بەڵگەنامە سەوز و زەردەكانى پارتى ویەكێتى دژ بەنەیارانیان بەدواداچونى تایبەت بكەن و بێلایەنانە سكاڵا تۆماربكەن، بەم كارەش كورد وتەنى "قولى رەش و سپى لە بواردا دەرئەكەوێت" ئەوسا دەر ئەكەوێت كە چ لایەن و كەسێك راستگۆبوەو چ لایەكى دى درۆزن بوە و بۆ مەرامى تایبەتى و هەل هەلەى هەڵبژاردن ژەهرى درۆى دەرخواردى خەڵكى كوردستان داوەو گەمەى بە عەقڵ و میزاجى منداڵ و پیرو گەنج كردوە،بۆیە بەهیواى ئەوەم كە دادوەرانى داواكارى گشتى غیرەتیان بجوڵێت و ئەركى ئینسانى و ئەخلاقى خۆیان بەجێبهێنن و پاش بەدواداچون سكاڵاى یاساى لەسەر درۆزنەكان تۆماربكەن و لانى كەم راپێچى دادگایەكى عادیلانەیان بكەن و بە سزاى خۆیان بگەیەنن .با تەواوى دادوەران بەگشتى و دادوەرانى دادى گشتى بەتایبەتى ئەوە بزانن كە ئابرو شەرەف مەندى خۆیان بەوە ئەپارێزرێت كە لە پێناو كەرامەتى خۆیان و ئینسانەكانى ئەم كۆمەڵگایەدا بەكارى عادیلانەى خۆیان هەستن و لەیەكەم دەست پێشخەریاندا سكاڵا لەسەر درۆزنەكانى ئەم هەرێمە تۆماربكەن و نەهێڵن كە چیتر بە درۆكانیان مێشكى ئێمە و منداڵانى ئایندە ژەهراوى بكەن.

[email protected]